ADVERTISEMENT

This area is available for advertisement. Please contact for details.

Arnivang
Get Adobe Flash player

CAB kakhamkhe, PM Narendra Modi ameh phi kekai

CAB, Bodo ST(H) kipiji khangkhe tik lapen Article 244 (A) pachunchetik ke vi-phik penta chesongji: KSA

imageHamren, Thekar Arkoi 11: West Karbi Anglong district ahempi Hamren rongsopi alongta Citizenship Amendment Bill aphuthak kakhamkhe dun angthek ASDC, KSA Hamren Head Branch atum patirpisi ongdung arat chingrum pet todap porphai 5 pen Hamren rongsopi angkang hithi-kulat, gari-motor do anta kapacheleng longle detji aphan adilung-dilung hithi angkang kahumri.
Rat do-anta aning kipung kedokok ajok arni kangthim tame gari-motor kacheleng ave anparta hithi-kulat, saikam asaihem do-anta ingkir-etsi thek long.a
Kangkir kepha kangtang kring ajok kacharli klimsomar api-po atum 2019 aningkan abaha school ketoi dun longji aphan sdmission ke-en damji aphan akeng pen km 5-6 kedam nang atum ningri rinti. Adai avepin arat atum ko an sung nangjilang ma puta charju rinti.
Karbi Anglong Autonomous Council pen Dima Hasao inglong hini arat akar-i hemprek kangthim kelongji akemang kapachunji kalisi non Citizenship Amendment Bill kedengji aphan keklem anparta Karbi Anglong arlo kedo Bodo akhei aphan ST (Hills) status kipiji asai keklem rong ajok Delhi-Dispur-Diphu an BJP kachari chedonthor seta ning kachethe athai ave det lo pusi hamphang asong atum ningje.
ASDC pen KSA anparta ongdung cheroktok arat atum cheto dunsi aning kipung kachepajang PM Narendra Modi, CM Sarbanada Sonowal lapen minister Dr. Himanta Biswa Sarma atum amehphi pini kangkir kepha atum pen Hamren ahithi angbong kai. OM Narendra Modi, CM Sarbananda Sonowal lapen state minister Dr. Himanta Biswa Sarma atum aphan kapinrem West Karbi Anglong ahempi par-omplup anpin.
La-an kangkir kepha ahir ingtang pusitame chechok-chetheng hormu-hortar kanahok anparta soluk-sodak abirta ave.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives