ADVERTISEMENT

This area is available for advertisement. Please contact for details.

Arnivang
Get Adobe Flash player

CAB kachedon dunde Assamese loh charli atum aphan Bengali loh charli asong jabang barim kether

CAB khamkhe dun pulote Assam University pen cheterek nangji: Pradip Dutta Roy

GUWAHATI, Thekar Arkoi 11: Assam University along kacharli dunbom Assamese abangphu-bangphi atum kedamtang Arkoi 9 arni Citizenship Amendment Bill aphuthak kachesong dun ajoine separate Barak nangji pu kehangbom Benglasi loh charli asong jabang barim mate BJP klembang Pradip Dutta Roy kether. Pradip Dutta Roy kether ke jongsi Citizenship Amendment Bill aphuthak Assam University along Assamese loh charli abangphu-bangphi atum chesong bomlang pulote University along pen cheterek nangji pusi kether.
Pini video footage pen alangli kaningje ke Assam University along loh kecharlibom Assamese abangphu-bangphi atum Citizenship Amendment Bill aphuthak khamkhe dunsi se angtong kachipi dunke neli manghu haklo. Nanglitum ladak loh kacharliji aphansi kevang, lasi kacharli ahinle nangning chibi noi, ratchari ahin kilutji aphan bor-i nangne, penang an kachesong, kachepaduk mate AASU atum kekhmkhe dun angbong Assam University longlo. Lasi nanglitum ladak pen Citizenship Amendment Bill aphuthak khamkhe dun longle pusi alangli ther. Video footage along alangli kaningje thuke Barak aphan kekhamkhe madu aphanta paklem longle anparta Citizenship Amendment Bill ke India angkangpi aphanlo bonta Assam along laso a Bill aphuthak kekhamkkhe dun ke pinrem memelo puta alangli ningjesi Citizenship Amendment Bill aphuthak ase angtong kachipidun Assamese loh charli abangphu-bangphi atum aphan prpajin pen sai kedengji aphansi Vice Chancellor aphan kachoningri.
Assam University along kacharli dunbom Assamese abangphu-bangphi atum jongsi Citizenship Amendment Bill aphuthak chesong bom lang pulote akai arjon apharman Assamese khei boche barim atum aphan Assam University along palut longle pusi Pradip Dutta Roy ther thu.
Halapu Assam University along kacharlibom abangphi-bangphi atum aphan kether aphuthak Cachar BJP jabang Pradip Dutta Roy aphuthak pini Cotton University Students Union atum Panbazar police station along lamhoi pidam lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives