ADVERTISEMENT

This area is available for advertisement. Please contact for details.

Arnivang
Get Adobe Flash player

Sivsagar DC ahin pen Chief Minister Science Visit asaimo kedeng kecheng

GUWAHATI, Thekar Arkoi 10: Sivsagar District Deputy Commissioner Pallav Gopal Jha patirpisi nithom apharman saimo kedengji rong asar lapen school osomar atum apharman Chief Minister Science Visit 2018 asaideng pini Circuit House athengno pensi pangchenglo. Chief Minister Science Visit asaimo kedeng along DC Pallav Gopal Jha ingpusi rong asar lapen school osomar atum aphan hirjume pajir dun. Laso asaimo kedeng pen kacheto dun rong asar lapen charli osomar atum penang an kethek kere ahin ale longpo pusi DC ningje.
Jorhat Science Centre pen  Assam Government Science & Technology asaikam  atum patirpisi kedeng labangso asai along Sivsagar district kaparlo kaprek-kaprek adim school hum 15 pen pangrum pet bang 45 osomar lapen bang 45 rong asar atum aphan hum thom a bus panong pisi Jorhat along kedo Assam Agriculture University, Tuklai Tea Laboratory Centre, North-East Science & Technology Centre, Jorhat Science Centre lapen Tarka House heihui adim along pajui ponlo.
Kacharli osomar lapen rong asar atum aphan Science & technology kaprek-kaprek ahin pen kapachiniji aphansi kedeng laso Science Visit asai kedeng along Nodal Officer Assistant Commissioner Gouri Priya Deuri si kapajui pon asai jalin. Chief Minister Science Visit along ingdeng troksi pen ingdeng sirkep loh kecharli osomar atum cheto dun lo. ihum hum a school pen bang kethom thom osomar atum dun lo. Kevangji Arkoi 12 arni kijui kapalang asai jut po.  

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives