ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren Town Committee along Ward-7 ta BJP kachephai

HAMREN, Thekar Arkoi 10: Karbi Anglong Autonomous Council kaparlo Town Committee kilik arni kehot ateng West Karbi Anglong District ahempi Hamren Town Committee (HTC) alongta Arkoi 8 arni kilik vote jok lo. Laso ateng pini vote lakha si kilik angthek pangdak lo. Lason ahut Hamren Town Committee kilik along Ward No.1 pen 7 anta BJP atumsi chepahai et lo.
Town Committee kilik pangdak det pen ratchari asong BJP, Congress lapen ASDC atum penang an kilik pachethang lo, seta kachari bom atum BJP atumsi Hamren Town Committee kaparlo ward do-anta cherai etlo.
Todap porphai 8 apor KAAC Branch Secretariat asaihem athengno along Returning Officer Sona Terang, Presiding Officer Katharson Ingti, kilik kachedan dun lapen Polling agent atum kado kave atum athengnosi vote lakha lo.
Hamren Town Committee kaparlo Ward No.1 along BJP Basa Teron-956, ASDC pen Soneswar Teron-166, Congress pen Santu Teron-93. Ward No.2 along BJP pen Longkendra Hanse-599, ASDC pen Borsing Ingti 104, Congress pen Babu Tokbi 188. Ward No-3 along BJP pen Biren Tisso-810, Congress pen Longsing Ronghang-426, Ward No.4 along BJP pen Lahorsing Kro-467, Congress pen Joysing Phangcho-205, ASDC pen Tennyson Timung-159. Ward No. 5 along BJP pen Dilip Hanse-525, Congress pen Helen Tissopi-263, ASDC pen Biren Kathar-122.
Ward No-6 along BJP pen Purnima Hansepi-699, Congress Ruplin Inghipi-228, ASDC pen Paul Ingti-512 lapen Ward No.7 along BJP-Headsing Rongphar-930, Congress-Longwel Phangcho-178 lapen ASDC pen Sarthe Teron-240 an vote chepalong lo.
Laso ateng ateng Hamren HTC along ward no. 1 Basa Teron, ward no. 2 Longkendra Hanse, ward no.3 Biren Tisso, ward no. 4 Lahorsing Kro, Ward no.5 Dilip Hanse, ward no.6 Purnima Hansepi, ward no. 7 Headsing Rongphar atumsi chepahai lo.
Angton kachepahai et ajok Hamren Town Committee angkang BJP atum ning arong kachipi par-omplup lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives