ADVERTISEMENT

This area is available for advertisement. Please contact for details.

Arnivang
Get Adobe Flash player

Det ahotur akoi pisi Dr. Hiren Gohain, Akhil Gogoi, Manjit Mahanta atum aphan lamhoi kapabon

GUWAHATI, Thekar Arkoi 10: Citizenship Amendment Bill aphuthak Assam angkangpi kachesong ame kithur bom apor ahut pini Assam along inut nong kachethang klong kethek kere abangphu Dr. Hiren Gohain aphan det ahotur pu akoi pisi police atum jungjong lamhoi pabonlo. Dr. Hiren Gohain pen-pen halapu Krishak Mukti Sangram Samiti (KMSS) jabang Akhil Gogoi, Manjit Mahanta lapen Arkoi niphai troksi arni Latashil along kachesong kangni amai along kacheto dun an atum aphan police atum lamhoi pabon lo.
Pinpurme halabangso arni Latashil along kachesong amai kangni ahut Sadhin Assam (Independent Assam)  aphuthak Dr. Hiren Gohain chedon dun lo. Akoi kevan atengke Akhil Gogoi kechengsi Sadhin Assam hanglo laso ajoine det ahotur pu police atum akoi pisi IPC 120(B)/212/123/124(A) Section ateng pen 15/2019 case no. pabonlo. Kachesong amai along Citizenship Amendment Bill aphuthak khamkhesi Dr. Hiren Gohain kaningje ke, jongsi India ratpangri mate Assam ratpangri  atum Assam arat alamthe arjuje pulote Assam arat atum kejokvan (Independent) ripo. Laso alam social media along penang an chethanglo. Dr. Hiren Gohain aphuthak ratpangri atum kapabon labangso alamhoi aphuthak ning kangsamse chepaklangsi abarim pherangke Haidur Hussain kaningje ke, ratpangri atum lake isi kachepathi-i asai keklem lo. Nelitum laso aphuthak chingvai bomlo lapen prapjin pen Assam ratpangri atum lapuson aning keter kamatha aphuthak ansose kachesong asai dengji. Halapu Krishak Mukti Sangram Samiti jabang Akhil Gogoi kaningje ke, ratpangri atum lapuson asai kedeng lake jung aning kehang aling kamatha asai.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives