ADVERTISEMENT

This area is available for advertisement. Please contact for details.

Arnivang
Get Adobe Flash player

Citizenship Bill alamki: Assam adangpi kachesong angtang kar-om

Guwahati, Arkoi 10: Lok Sabha along Citizenship (Amendment) Bill deng det aphi Assam adangpi kachesong angtang kar-om.
Ning kipung atum tovar karangkha, meh phi kekai, kehang sarlang lapen ajahak a state along peh ri kacheplok heihui deng lo– kekhamkhe atum kapangdak ke Assam ratpangri pen khei kangthim amonit ‘Jati, Mati, Bheti‘ (angthek, longle lapen hemrit)  keraikom ave lo.
Citizenship Act, 1955 kapachunji aphan Lok Sabha along 2016 aningkan Citizenship Bill paklang lo. Laso a Bill kedeng Citizenship Act, 1955 ateng Afghanistan, Bangladesh lapen Pakistan pen aronre pen Hindus, Sikhs, Buddhists, Jains, Parsis lapen Christians atum kevang atum aphan ladak aso lo pu kehokji aphansi laso a bill deng lo.
Asom Gana Parishad (AGP) ameiphu lapen Assam Agriculture Minister Atul Bora, Assam Water Resources Minister Keshab Mahanta, Assam Food and Civil Supplies Minister Phani Bhushan Choudhury atum Thelang arni arpu pen che-oh lo. Assam BJP lamjai sarpo Mehdi Alam Bora ta song pen che-oh lo.
AGP asongja mate Assam Chief Minister barim Prafulla Kumar Mahanta pen Bharatiya Janata Party aphan karbok alam kaningje ke, saffron asong aphan Assam ratpangri kachari pavir nangpo lapen rat akar-i papleng nangpo.
Arkoi 9 arni Guwahati, Ganeshguri along ajahak Krishak Mukti Sangram Samiti (KMSS), Asom Jatiyatabadi Yuba Chatra Parishad (AJYCP) lapen kaprek kaprek khei kangthim ahamphang atum kachesong ahut raikom asaikhi atum aphan arlong pen kevar ajok police asaikhi atum kachesong apinpo atum aphan beng chok lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives