ADVERTISEMENT

This area is available for advertisement. Please contact for details.

Arnivang
Get Adobe Flash player

Assam arat apharman karjap ratchari asong aphan AGP kurvangthu pajirlo

GUWAHATI, Thekar Arkoi 10: Assam ahotur Citizenship Amendment Bill 2016 aphuthak khamkhesi detpi angkang Assam Gana Parishad (AGP) ahin pen rat apharman karjap asai along chedon dunsi Lok Sabha pen Upper House along Assam arat apharman karjap dun asongtin aratchari atum aphan AGP ameiphu Atul Bora kurvangthu lapen kachoro pajir. Pachetak aloh pen AGP ameiphu Atul Bora kapangdak ke, Assam aphurkimo asimbon heihui pavirsi phurkimo Assam a Accord aron karkanji aphan kachisik labangso a Bill aphuthak khamkhesi AGP asong ahin pen Janata Dal (U), Shiv Sena, Trinamool Congress, AIUDF pen danglok ongdung kaprek-kaprek aratchari jabang atum pen chetongsi Assam along kedo arat atum aning kehang alam lapen Assam state atum kachetong nang akisung heihui aphuthak ketokjir pen pajirsi Citizenship Amendment Bill aphuthak Parliament hong-arlo along anta kekhamhke dunji aphan kachoningri dolo. AGP atum kachoningri ateng pen halahai ratchari asong atum Parliament Lok Sabha along kachesong det kali Upper House along saimo dengde aprang-aprang kapado Sarbadalia Sabha ahin pen Citizenship Amendment Bill aphuthak khamkhesi vote pilo pu rat thekprong kaningje lake Assam arat aphan kachinghon angthek lo lasi halahai aratchari asong atum aphan AGP asong ahin pen chorolo pusi pachetak.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives