ADVERTISEMENT

This area is available for advertisement. Please contact for details.

Arnivang
Get Adobe Flash player

AASU Karbi Anglong atum arpu kachelar

Diphu, Thekar Arkoi 10: AASU Karbi Anglong District Students Union atum kedamtang Arkoi 7 arni Parakhowa AASU Karbi Anglong District Students Union atum ningkan esek amaipi pangni.
Saimo ateng AASU Karbi Anglong District ameiphu Bulu Baruah arideng pen song alama pachipur lo, laso aphi sankur chunbang Tridip Bora pen jalinsi karlitang atum aphan chikimo lo.
Arnikangsam apor pharman bangphu amai ingni.
Pharman bangphu amai along District ameiphu lapen sankur chunbang atumta chetong dun, la-an chot kali mai along AASU dun meiphu Chittra Ranjan Basumatary, sikdang chunbang Bedanta Saikia, tiri klembang Uddipta Jyoti Gogoi lapen Bhabhes Gogoi atumta chetong dun.
Mai along penang an ajirkiding chethan patep det api District committee kachariji aphan pusi bang 30 atum aphan ingvai lo. Laso angbong pen Bhabajyoti aphan meiphu lapen Shorjun Hanse aphan chunbang pek lo.
Akimi arpu kedeng atum pen Karbi Anglong arlo mesen pen sai keklemji aphan mai along seme deng lo.
AASU tiri ameiphu Dipankar Kumar Nath lapen sankur chunbang Lurinjyoti Gogoi atumta mai along chetong dunsi jutang amalin ingpu dun lo.
Pinpurme, kedamtang Arkoi 5 arni AASU Diphu Regional Committee ameiphu barim Shyamanta Gogoi lapen sankur chunbang barim Shorjun Hanse atumta mai along chetong dun. Mai along penang chingki chethan det aphi Nakib Ali aphan meiphu lapen Aldrin Rongpi aphan sankur chunbang lapen akaprek bang 25 atum aphan klembangphu-phi pek lo pusi AASU Karbi Anglong Students Union a sankur chunbang Shorjun Hanse birta pachetak.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives