ADVERTISEMENT

This area is available for advertisement. Please contact for details.

Arnivang
Get Adobe Flash player

Rajya Sabha along Citizenship a Bill pachington dam lo

New Delhi, Arkoi 9: Kangtangkring opposition Congress, Trinamool Congress lapen kaprek kaprek ratchari asong kachesong angbong seta pini Citizenship (Amendment) Bill 2016 aphuthak Rajya Sabha along pachington dam lo.
Durmi arni Lok Sabha along laso Bill paklang si pa deng lo. Laso Bill aphuthak House along Congress klembang atum kehang sarlangsi khamkhe dun lo aphi alangtum hong bar et lo.
Birta kelong atengke, Non kevangji Arkoi 22 pen Thangthang 13 Parliament along interim budget kangni amai ahutsi laso a Bill alam chingvai po.
Lasonsi, Bill aphuthak Nihang nirep along soluk sodak asai kedeng alam Union Home Minister Rajnath Singh sodak pen pinrem lo.
“Bill aphuthak opposition asong atumsi kapamanghu ji asai keklem kabor-i. Nihang nirep ahavar thirklong a monsam kapamanji aphansi ratpangri pen keklem kedam. Laso ahavar amonit atum aphan mesen angthek kapamanji aphansi centre asor kiri,” puta Singh ningje.
Citizenship Bill aphuthak 2016 aningkan Lok Sabha alongsi pon pen Citizenship Act, 1955 kapachunji aphansi klem lo. Laso Bill kapachunji Citizenship Act, 1955 aprang pen Afghanistan, Bangladesh lapen Pakistan adet pen kevang a Hindus, Sikhs, Buddhists, Jains, Parsis lapen Christians ladak asor pu kehokji aphansi klem lo.
Singh kaningje ke, keroklok ahavar a chief minister do-an atum aphan centre pen phasi mai pangniji, jongsi akenangsot pulote. Laso a bill deng lo pulote aronre pen kevang atum aphan pangthek longpo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives