ADVERTISEMENT

This area is available for advertisement. Please contact for details.

Arnivang
Get Adobe Flash player

Pneumonia akeso pen inut chiklo jon 11 a-oso aduk kedo

Kerap kelongji aphan ahem asor atum kaningri

Ratpangri pen kapajir seh kelang a card paklang det aphita doctor atum langle

BAKALIA, Thekar Arkoi 9: Inut arta chiklo jon kre isi a oso pneumonia akeso kelong lok ajok edon kadure ahemtun keso kelang move  kamatha kisung ningri krung lo. Bakalia No. 1 Udali arong amekar Hunmoni Bora achor kedamtang There achiklo troksi arni inut pinso a oso amahang pathek lo. Laso a-amahang thekdet ni thom-pli aphi penke achethe kache-en kasiksak ason theklongsi apo-apei atum tongsekot dotor along pon lo. Laso a oso pneumonia akesosi kelong pu doctor abang pachinisi keso kapameji aphan pura dovai heihui pilo setame kemeji kalisi keso bathu ong-onglo. Ningkan isi alanglitum a-oso aphan cheponsi along kaprek-kaprek a doctor along paklang damlo setame a oso abang aphi ong a-ok apran nangheno onglo. Laso ajoine apo-apei atum kamatha kisung jut kok lo. Halapu arnisi chongdat chot pen bor-i bor-a hemtun kachepareng Hunmoni Bora laso a-oso keso kapameji aphan khi-dat mate longle-phelang chejorsi ongdung atangka padam lo setame thangnt ale ave det lo.
Halapu kadure arat atum akejoi pen seh kelang longji aphan pura ratpangri pen avarsai kipi Atal Amrit Yojana card pen Ayusman Bharat Pradhan Mantri Jan Arugya Yojana card paklang det aphita majok a doctor atumta laso a oso aphan akejoi pen seh kelangji aphan kroikre detlo pusi a oso apo-apei atum pachini. Laso a oso ajoine non apo-apei atum kamatha kisung jut kok lo. Ningkan isi plengdet aphita pini arni anta karjap kangni thekthe aphi-ong a-ok apran heno thu-onglo. Lasi komane NGO mate aning keme abangphu-bangphi atum kerapji aphan ning hang pulote 69000-64217 mobile number along kalite 3376327245 Hunmoni Bora amen pen kedo Central Bank Account along pajirta chok pusi apo-apei atum choningri.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives