ADVERTISEMENT

This area is available for advertisement. Please contact for details.

Arnivang
Get Adobe Flash player

Janata Bhavan athengno song 70 hamphang asong kachesong, Palash Sangmai aphan kenep

GUWAHATI, Thekar Arkoi 9: Arkoi niphai 8 arni Assam arat aphan langplot pen tiri ratpangri aning kehang ateng pen Lok Sabha along Citizenship Amendment Bill deng detlo. Laso a Bill kedeng pen Assam along kachesong hur chodut lo. Laso angbong pini song 70 khei hamphang asong atum chingrumsi laso a bill prapjin pen che-en thu nangji pusi Janata Bhavan athengno kachesong paklem hur lo. Krishak Mukti Sangram Samiti (KMSS), Assam Jatiyatabadi Yuva Chatra Parishad (AJYCP) pen danglok pangrum pet song 70 atum tongsekot Janata Bhavan along chekom damlo. Laso ahut alanglitum ning kipung chepaklangsi BJP go back, Modi go back, Sarbananda Sonowal khei ahutur pu heihui hang taramsi chesong lo. Ajahak kachesong atum barricade arkansi Janata Bhavan adovaripi kilutji aphan bor-i lo setame keton-kelang police atum khang dun chek lo.
Penang an apor chesongsi tovarpi along ketengthip ajok gari cheleng longle detlo. Kachesong atum lapuson kekhang thip ajok police atum sai jokje ongdung kachesong abangphu atum aphan akaprek adim terek pon etlo. Police kapachini atengke Jatiyatabadi Yuva Chatra Parishad sankur chunbang Palash Sangmai aphan neplo pusi pachini.
Halapu kachesong atum penang an hur pachosi Ganeshguri along ajahak han kejor atum ahoton heihui kevarpi lapen traffic light ta arlong varsi paphuk lo pusi kethek dun long atum ningje. Kachini dun ateng administration atum pen thangnat a hukum chohanghe pin pensi song 70 atum Janata Bhavan kachekom dam pusi chini dun. Jongsi laso a Bill ingthanthe pulote kevangji arni kachesong angtong pasoji pusi kachesong abangphu-bangphi atum ratpangri aphan ther.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives