ADVERTISEMENT

This area is available for advertisement. Please contact for details.

Arnivang
Get Adobe Flash player

Hamphang asong atum CAB, Clause 8, Article 244(A) aphuthak kachesong

imageDiphu, Thekar Arkoi 9: Atumi Arkoi 8 arni Lok Sabha session along Citizenship Amendment Bill-2016 alam kacheparai, Assam inglong ahavar along kedo Bodo atum aphan ST kipiji pu alam kapangdak aphuthak ningkangsamse chepaklangsi pini Diphu KSA (Lumding Atovar) asaihem athengno tovar ari cho chingtipsi kachesong.
KSA, HSDC, HSDC, KYDO, KAWJF, SYJ, AJYCP, SYC, KYO, NSM atum pen chenglok kaprek-kaprek kachelang rappet hamphang asong atum tiri ratpangri atum angtan kedo atum aphan kajinso chepaklang pen CAB cheparai thek seta ladak det arlo kedo arat atum aphan mathathe pin pen aning kehang alam aphuthak kapanung kuk aphuthak ningduk chepaklangsi ning duk angthek peh ki-ik chephunglo lapen achu ta chingtip lo.
Laso ahut Citizenship Amendment Bill khang vek nangji, BLT pen kachetok clause 8 pachun longle anparta Assam inglong district Karbi Anglong pen Dima Hasao apharman constitution along ketok dak article 244(A) pachun serak nangji pusi hang.
Laso ahut BJP atum keklem-kedam kechokche aphuthak kachesong asai kedeng hamphang asong atum pen penang pinrem. La-an chot kali CM Sarbananda Sonowal, PM Narendra Modi lapen MP Biren Sing Ingti anparta Karbi Anglong Autonomous Council a CEM Tuliram Ronghang atum aphanta kachesong asai kedeng atum pen pinrem.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives