ADVERTISEMENT

This area is available for advertisement. Please contact for details.

Arnivang
Get Adobe Flash player

Citizenship Bill: Assam NRC kapajut ke ale ave det lo: Tarun Gogoi

Guwahati, Arkoi 9: Citizenship (Amendment) Bill, 2016 aphuthak Bharatiya Janata Party (BJP) aphan Chief Minister barim Tarun Gogoi kachodin alam kaningje ke, laso bill kapadeng pen keklem National Register of Citizens (NRC) asai ke amo vangve det lo.
Pinpur dame, Assam ratpangri pen second pen final draft a NRC Jakhong 30, 2018 arni kapaklang. NRC angkung kirip along bang 3,29,91,384 kejok dun angbong bang 2,89, 83,677 amonit atum ke ahokpet lo pusi patini lo. Bang 37,59,630 abangphu atum aphan dengde det lo lapen kedolang bang 2,48,077 atum aphan pachington (hold) kok lo. Kechengsi angkung kirip ke Matijong 31 (jirlo) 2017 arnisi paklang lo.
Alangli kaningje ke, “non ke NRC ale ave lo lasi centre asor atum pave det memu lo. Citizenship Bill kedeng ke aronre pen Bangladesh pen kevang atum abe kidunji aphansi BJP atum keklem.”
Finance Minister Himanta Biswa Sarma aphuthak alangli kaningje ke, “jongsi 2019 Lok Sabha kilik Congress ajakong chelong lote alangli nang chingbe dun ta thek.”
Alangli kapachetak thuke, Chief Minister Sarbananda Sonowal aphan ‘Jatiya Nayak’ pu AASU atum kipu kechokche thetan lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives