ADVERTISEMENT

This area is available for advertisement. Please contact for details.

Arnivang
Get Adobe Flash player

Citizenship Bill aphuthak ratpangri matha thu pame tha pusi Speaker arju

Guwahati, Arkoi 9: Atumi Arkoi 8 arni Parliament Lok Sabha along BJP-kejalin NDA ratpangri pen Citizenship (Amendment) Bill, 2016 kapachunji aphan pa passed aphuthak Assam Legislative Assembly speaker lapen Bharatiya Janata Party’s Jorhat a MLA Hitendra Nath Goswami ase angtong kachipi dun.
Goswami pen birta kapachetak atengke, “ladak kaboche, laso pachetak aloh pen Bill aphuthak neli jong jung penke pu-pu abe ta dunde. State arlo khei barim amonit atum monsam pen kachingri along kisung-i raplok asai along neli kroi dun ingtungte.”
Goswami aning alam kapinpur pen ning chethe alam kapachetak ke, BJP kejalin state pen central ratpangri atum chematha thu pame nangji lapen Assamese akhei apharman ave rui thu pamesi kengkam chejor nangji.
“Neli constitutional angdeng kangni pen neli government institutions aphan man peng pi-oh. Bonta laso alam pen neli ning nang klo lo. Speaker ahin penke laso alam aphuthak thangta kaningje dun unji ave, seta ladak kaboche vek amonit neke, laso alam aphuthak kaprek kaprek ahamphang atum alamthe ardi ratpangri pen man peng pi asonte mesenji,” puta Goswami pachetak.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives