ADVERTISEMENT

This area is available for advertisement. Please contact for details.

Arnivang
Get Adobe Flash player

Kilunai lapen amokevangve nai ke non KAAC kachari atum henlo: J.I Kathar

Ingdeng sirkep KPLT keseng arni alir alon pen katalon

Diphu, Thekar Arkoi 8: Ingdeng sirkep Karbi People’s Liberation Tiger (KPLT) mahang kethek methang Headquarter Designated camp kedo Diphu-Manja 5 kilo atovar Chutianala along alir alon pen katalon.
Jaimek ateng adap porphai 7:30 apor song alama KPLT chairman Ron Rongpi arideng ingthur laso aphi C-in-C Saka Terang karlitang atum aphan chikimo amelur kai jalin, bangso asai jut det aphi Lieutenant Sarmung Timung pen jalinsi cadres atum pen parade paklang. Laso aphi rat amaipi ingni.
Rat amaipi chengche aprang alohi sarpo aman pen kachetong dun Rtrd. I.J Kathar arideng pen KPLT asong mahang kethek a cake ingthan dunsi ning arong pen ingdeng sirkep KPLT asong mahang kethek arni alir alon chipi.
KPLT chairman Run Rongpi kachepahemphu amai along KPLT sankur chunbang Lotichari Kangtang Bey mai kepha alamthe jai lapen alohi pachini KPLT rap chunbang Archak Timung pensi apor en. bangso amai along alohi sarpo aman pen Rtrd. J.I Kathar chetong dun, anparta KSA ameiphu Simeon Rongphar, sankur chunbang Thomson Rongpi, KSA inglongpho sankur chunbang Moniram Tokbi, KAWJF ameiphi Beulep Beypi, sankur chunbang Presila Terangpi atum pen chenglok rong asar, rong asarthe atum chetong dunsi alir alon pidun.
Separate state le long setame Karbi akhei kerengji aphan sung krungji. Athe hadak inglong aso aphan raikom do  nangji pu ketok ave,  lasi, ilitum sixth schedule ajakong che-ot thip thetik ke ajat asai amo ta paprang dun un-e detji. Lasonsi Assam government atum autonomous council mate sixth schedule ajakong do pu chinisi bangso ajakong kapaphukji aphansi kaiketa ason ason abidi klem, laso ajoine council CEM, EM akilu atum aphan ingvaisi Assam government atum ninghang alingsi pakan lo. Pinpurme, 1952 aningkan founder CEM Khorsing Terang, Gopinath Bordoloi atum henlo halaso ahut pen sixth schedule kapaphukji aphan klem pusi Rtrd. J.I Kathar jai. Lasonsi Karbi atum methang methang alongle dokok aphita 1886 Assam land revenue act. Kepa-endet ajoine pini Karbi atum alongle kedo anta sorkar arideng do etlo lapen KAAC atum thangnat asai ta klem dun thek thedet lo. Lasonsi alanglitum sixth schedule kapaphukji aphan ason son bidi klem lo, pini lahei khei akisung ajoine ejahak atum habit lutsi risim kangtang pen chesong nanglo. Lasi sai katiki, kulat heihui anta elitumsi cherai etnangpo athe bongo sena atum henloetum  hotur kethe nai lo puta Rtrd. J.I Kathar jai.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives