ADVERTISEMENT

This area is available for advertisement. Please contact for details.

Arnivang
Get Adobe Flash player

Kangkir kepha along ongdung KSA, AASU klembang atum aphan police kenep, aphi lothu etlo

imageDIPHU, Thekar Arkoi 8: Hindu Bangledeshi aphan dim aklong kepekji aphan pura tiri ratpangri atum kedeng Citizenship Amendment Bill aphuthak Khamkhesi pini Nort-East Student Organisation (NESO) atum nihang-nirep angkangpi ghonta 11 kangkir phalo. Laso kangkir along All Assam Student Union (AASU) lapen KSA (Inglongpho) atumta chedon dunsi pini Gowahati arongsopi pen danglok Assam angkangpi kangkir penang an hur cho. Guwahati arongsopi pen danglok kaprek-kaprek adim tovar karangkha lapen gari hehui kaphalangno dolo. Lasonsi pini Karbi Anglong along setame KSA lapen AASU Karbi Anglong aro atum tovar karangkha asai heihui deng. Halapu long sirkep adim pini Town Committee kilik vote kejok arni lapen kangkir ta kacheton dunchit ajoine chedon charkan ason dokok lo. Vite kejok asai abang ingsamjin pensi chunlo setame halapiu kangkir kachedon dun KSA lapen AASU Karbi Anglong aro atum Diphu arongsopi along tovarpi along tyre heihui me kaisi chesonglo. Laso ahut alanglitum Prime Minister Narendra Modi Go back, Citizenship Amendment Bill chedon dunde lapen laso a Bill prapjin pen ingthan nangji pu heihui kehang ase angtong chipilo. Tovar kacheleng ihum hum ni a gari ta khangdunlo lapen BOC alongta pangkir damlo setame soluk sodak atemon kebatji meme angring kedokok ajoine police atum kachesong abangphu atum aphan rangkha dunsi kado kave aphanta gari thap pon lapsi KSA atum aphanke Borlangpher lapen AASU atum aphanke Dhansiri police station along pon etlo. Puthot arnikangsam apor kado kave aphanta lothu etlo pusi chini dun. Diphu arongsopi alongke hithi heihui ingkir dun-et lapen gari kethe cheleng vangve detlo setame Town Committee kilik kedokok ajoine vote kejok damji aphan rat atum sai jokje gari vek nangkok lo.
Halapu Bakalia, Bokajan, Langhin, Dokmoka, Parakhowa, Howraghat atalom malomta ingkir dun-et pusi birta nangpale. Setame Bakalia alongke AASU Karbi ANglong aro Chief Organising Secretary Mukul Hazarika, Assam Rifle asaikhi Ringku Barman lapen Harmani Baisha atum aphan police neplo setame aphithu lothu plotlo. Lason thak thaksi Hamren arongsopi alongta kangkir kepha atum tovar karangkha asai kedeng ahut bang narkep KSA klembang atum aphan nepsi aphithu loplot lo pusi chini dun.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives