ADVERTISEMENT

This area is available for advertisement. Please contact for details.

Arnivang
Get Adobe Flash player

Kangkir angbong TC kilik ingsamjin pen kichun

Diphu along 65.97%, Bokajan-67.88%, Langhin-77.93%, Dongkamukam-88.67%, Baithalangso ke 79.35%, Dokmoka ke 79.57%, Bakalia ke 76.56%, Howraghat 75.54%, Hamren ke 77%

imageDiphu, Thekar Arkoi 8: Karbi Anglong Autonomous Council kaparlo long sirkep town committee, Diphu, Bokajan, Bokolia, Langhin, Howraghat, Dokmoka, Hamren, Baithalangso, lapen Dongkamukam along pini ingsamjin pensi kilik vote kejok patang lo.
Hamphang asong 24 atum kangkir pha seta nahok kangkir kepha atum kacheklang kle det ajoine kekhamkhe lapen vote kejok kapatora dun ave. laso ajoine pini long 9 town committee kilik ahut ongdung a phant vote jok lo. Pinpurthume, Bokajan town committee along phant 67.88, Langhin town committee along phant 77.93, Dongkamukam town committee along phant 88.67, Baithalangso Town Committee along phant 79.35, Dokmoka town committee 79.57, Bokolia town committee 76.56, Howraghat Town Committee along 75.54, West Karbi Anglong arongsopi Hamren Town Committee along phant 77 lapen Karbi Anglong arongsopi Diphu Town committee along kado kave phant 65.97 an vote jok lo.
Pinpurme, Bokolia Town Committee along kado kave ward 7 pangrumpet pen pak 10,775 voter do. Laso ateng Ward no.1 along pinso a voter bang 823, arloso a voter bang 809, Ward no.2 along pinsomar a voter 1152, arlosomar a voter 1133, Ward No.3 along pinsomar a voter 899, arlosomar a voter 824, Ward no.4 along pinsomar a voter 959, pinsomar voter 911, ward no.5 along pinsomar 610, arlosomar voter 608, ward no.6 along pinsomar voter 521, arlosomar voter 506 lapen ward no.6 along pinsomar voter 503, arlosomar voter 517 ando. Laso angbong pini phant 76.56 an vote jok lo.
Laso thak thak Diphu Town Committee angkang kado kave bang 44,951 an voter do, laso angbong pinsomar voter 22,639 lapen Arlosomar voter bang 22,312 atumsi pini kado kave long 60 anbak polling station along vote jok lo.
Lason thakthaksi ongdung atum pini Karbi Anglong kangkir dokok aphita methang ahem pen nangbarsi vote kejok aphan damsi amethang methang a vote chejok dun rinti.
La-an a monit atum komat aphansi vote kejok non kevangji Arkoi 10 arni vote kalakha ahutsi thek long po. Pini adap apor CAB kekhamkhe kangkir kepha atum kaprek kaprek adim along kachesong asai deng lo. Laso ahut police nep ingnangsi pini nerlosini aphan thana along bi lo.
Todap porphai 7 apor pen pangchengsi Dokmoka Town Committee kilik kado kave palongpli a polling station along vote jok lo. Ward no. 1 aphan Besic LP school along kado kave pak 1139 angbong pen pak 962 jok lo, Ward no. 4 apharman Dokmoka HS School polling station along kado kave pak 1124 a vote angbong pen bang 900 vote jok. Laso adim along thot ward no 5 apharman pak 1045 a vote angbong pak 855 a vote jok, Ward no. 6 apharman Buragohain LP school polling station along kado kave pak 1060 angbong pen pak 857 vote jok, Sonsi ward no 3 apharman Bhandhan LP School kado kave pak 1029 angbong pen pak 768 a vote lason thakthak Bandhon LP School alongthot ward no. 2 apharman kado kave pak 1102 angbong pen pak 829 an vote jok lo. Laso ateng kado kave pangrumpet Dokmoka Town Committee kilik along phant 79.57 an vote jok lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives