ADVERTISEMENT

This area is available for advertisement. Please contact for details.

Arnivang
Get Adobe Flash player

DTC kilik: CEM Ronghang amethang a vote kachejok dam

imageJengkha, Thekar Arkoi 8: Karbi Anglong Autonomous Council kaparlo long sirkep town committee kilik asonsi West Karbi Anglong District angkang kedo town committee kethom Hamren, Baithalangso lapen Dongkamukam Town committee kilik vote jok lo. Lason ahut KAAC CEM Tuliram Ronghang tame amethang aman kedo a vote Artukekang polling station along vote jok dam. Vote jokdet aphi KAAC CEM Tuliram Ronghang pen pherangke atum angno kejai atengke, ‘Karbi Anglong angkang long sirkep town committee kilik along BJP pen kachetoi dun bang 64 abangphu-phi atum a ward tin alongta hai etji’.
La-an chot kali, Karbi Anglong Autonomous Council a CEM Tuliram Ronghang pen kado kave BJP pen kachetoi dun kilik kachedan dun abangphu-phi atum aphan hirjume ta pajir.
Lason thak thak Diphu along todap porphai 10 apor malom Diphu Junior Basic L.P School along KAAC EM Lunsing Teron ta methang a vote chejok dun. Lason thakthak kaprek kaprek Town committee angkang kedo a EM MAC atumta amethang a vote chejok dun rinti.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives