ADVERTISEMENT

This area is available for advertisement. Please contact for details.

Arnivang
Get Adobe Flash player

Town Committee kilik Ward No. 4 along BJP vote kehang amai kangni

DENARONG, Thekar Arkoi 6:  Pini arni arnikangsam porphai 2:30 apor No. 15 Mahamaya Constituency angkang Dokmoka Town Committee kaparlo Ward No. 4 along BJP asong pen kachetoi dun abangphu Birensing Teron ahem achatai along vote kehang amai ingni. Surjoy Hanse kachepahemphu amai along alohi aman pen KAAC EM Lunsing Teron pen Raju Tisso, State Counsellor Orson Rongpi, VDC Chairman Harsing Ingleng, BJP asong klembangphu Langtuk Timung pen danglok ongdung song along kacherap dun atum chetong dun. Vote kehang amai along Mahamaya Block Mondal Congress chunbang  Lunse Tokbi song pen che-ohsi BJP asong along chepa-ok  dun lo. Tokbi asangho kejai ke, BJP aratpangri vangdet pen Karbi Anglong angkang ason-son kachingthur asai kedeng asonthotsi Mahamaya Constituency angkang alongta ke-ongdung kachingthur asai keklem thek longlo. Lahai kachingthur asai keklem-kedam along ning ingsam dunsi BJP asong along chepa-ok dunlo. Non kedoji town committee kilik along ta BJP asongsi haivekji lapen BJP along keklem-kedam along cherap-cheto dunji puta ningje.
KAAC EM Lunsing Teron pen Raju Tisso atum kejai ke BJP aratpangri nangchari det pen Karbi Anglong angkang penang an nangchelarlo lapen kachingthur asai keklem-kedam dolo. Ratpangri pen kiduk-kelak arat atum aphan ason-son kerap pajir longlo. Lasonsi Diphu arongsopi angkang ta kachelar vanlo. Kedamtang aratpangri atum ke lapuson akachelar kevan ave pinlang pu ningjesi ansose kapachingthurji aphan non town committee kilik along BJP asong pen kachetoi dun abangphu-bangphi atum aphan ke-ongdung a vote pen pahai nangpo athe laso kilik along jongsi BJP haidet pulote Dokmoka Town angkang ason-son akachelar mate kachingthur amohor thek longpo pusi ningje.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives