ADVERTISEMENT

This area is available for advertisement. Please contact for details.

Arnivang
Get Adobe Flash player

Town Committee kilik, BJP armu chejeng pensi kilik kapachethang kangton

Ningkan isi angbong poka atovar, street light, kijun alang avarsai pachetang lapji: CEM

imageDIPHU, Thekar Arkoi 6: Long sirkep town committee arlo ta BJP si hailap nangji pu akemang pen minister, CEM lapen song ameiphu atum pen danglok KAAC EM, MAC atumta sunprungsi song pen ketoi dun a candidate atum aphan vote hangpi lo. Ajo anarlo dode sangse vote hangpisi pini abangke armu chejeng kachepaklang pensi rat atum aphan aning parung pen vote hanglo. Pini kilik kapachethang kijutsi arni Bakalia along Assam HAD minister Sum Ronghang, KAAC CEM Tuliram Ronghang lapen BJP state dun meiphu Longki Phangcho, district ameiphu lapen KAAC EM Raton Teron atum vote kehang pachethang damdet aphi arnikangsam apor puthot Diphu alongta kilik pachethang lo. Diphu Govt. Higher Secondary School pathu aklam along kangni rat amaipi along CEM Tuliram Ronghang kejaike, pachingthur kapaprapji aphan pulote non kecharibom  BJP aratpangri aphansi vote jok nangpo athe KAAC along ningkan isi BJP kachari ajakong kachelong pen kachingthur asai keklem kachiting ajok penang an pachelarlo. Lasi non kevangji apor ahut ta keklem-kedam sangse pin pensi Karbi Anglong pachingthurji lapen Assam along 33 district angbong pen Karbi Anglong henlo kachingthur nai a district kapamanji aphan dode sangse kachingthur asai klemji puta CEM Tuliram Ronghang ningjesi Karbi Anglong Town Committee kaparlo do-an pachingthur paprapji. Laso ajoine ningkan isi angbong Diphu Town Committee kedo-an a ward poka atovar, kijun alang, street light lapen kaprek-kaprek avarsai kipi pachetangji pusi alangli ningje.
Mai along Hills Area Development (HAD) minister Sum Ronghang, Bokajan MLA Dr. Numol Momin, state dun meiphu Longki Phangcho, district ameiphu Raton Teron, dun meiphu Bharat Kumar Timung, District Mohila Marcha ameiphi Sima Ronghangpi, EM atum Amarsing Tisso, Kache Rongpipi, Prodip Diphusa, Diphu Town Committee chairman barim Mohon Tisso, ratsai klembang Tingkreng Rongpi, Lumbajong VDC chairman Lawrence Ronghang, Dhansiri VDC chairman Dilip Sing Bey lapen ke-ongdung BJP atoi-ani atum chetong dun.
Diphu Town Committee pen BJP asong kaparjap dun a candidate Haradhan Ghose, Pratibha Das, Diganta Gogoi, Sadhana Rongpipi, Semson Terang, Minu Teronpi, Mira Tissopi, Rangmukrang Ronghang, Rajen Teron, Lunse Timung, Debendra Tokbi, Rah Kro, Simon Phangcho lapen Dhiren Tokbi atum apharmansi vote hangpilo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives