ADVERTISEMENT

This area is available for advertisement. Please contact for details.

Arnivang
Get Adobe Flash player

Kadure arat aphan Diphu Ramkrishna Sevashram peh kar-om keron

imageDIPHU, Thekar, Arkoi 6: Diphu Ramkrishna Sevashram atum pini kadure arat atum aphan peh kar-om lapen Vivekananda aning kamatha alam ketok a kitap heihui ron. Diphu Hemari Bey pu arong alongsi pini lahai peh kar-om ron dam lo. Diphu Ramkrishna Sevashram chunbang Manik Bhaval kachepatirpi Phonglangso LP School along kibi keron-kebak amai along Diphu Ramkrishna Sevashram ameiphu Sankarlal Bhatacharya, Phonglangso LP School thanbang kehoi Kalamsing Bey, rap thanbang Sarsing Ingti Kathar, sorkari rong asar Bidyasing Ronghang, rong asar Bidyasing Bey, village development committee chunbang Unnayan Sing Bey lapen Diphu Ramkrishna Sevashram dun meiphu anparta kacherap dun atum chetong dun. Mai along Swami Vivekananda akai alamo lapen alangli kamatha-kamunthi alam heihui rap thanbang Sarsing Ingti Kathar pen rong asar Bidyasing Bey atumsi rat aphan than pajirmi. Diphu Ramkrishna Sevashram ameiphu Sankarlal Bhatacharya kaningje ke Ramkrishna Sevashram ke madu ratchari asong mate komane ketoi penle keklem kali rat aphan kerap thekji aphansi Sevashram keklem. Laso ajoinesi lapuson atok ano adim along humrisi kerapji aphan kengkam chejorlo lapen laso asaimo kedeng along rat atumta nangkacherap-cheto dunthek ke chorolo. Kevangji arni setame rong-rup arlo lapuson avarsai deng damji pusi alangli ningje thu. Keron-kebak amai along don phokep ahemtun atum aphan peh kar-om lapen kitap ron.
Pinpurme Diphu Ramkrishna Sevashram atum kedamtang arni kaprek-kaprek adim damsi kadure arat atum aphan peh-kar-om pen danglok kitap, bohi lapen ason-ason kapathu ahurmu pidam lo. Sevashram atum lapuson kadure arat aphan kerap kipi ajoine rat atum kachoro pajir.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives