ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 67 Senior Inter District Football kapathu Karbi Anglong SA Semi Final keledun

Diphu, Thekar Arkoi 06: Assam Football Association (AFA) patirpi along Karbi Anglong Sports Association (KASA) cherap dunsi Diphu KASA kapathu aklam along kedamtang Arkoi 4 arni pen ingdeng 67 Senior Inter District Football Championship kapathu pangcheng lo. Semi final angdeng aphan pini arnikangsam kapathu along Karbi Anglong SA pen Golaghat SA aterank angbongsi chepho lo. Pupu aterank ta kapathu kethek chedaikoi ajoine minute 90 an apor ateng pen kapathu esek goal chethap un-eh detlo. Bonta aphi kerem-kehai kapatiniji aphan tie breaker pachetur ahut Karbi Anglong SA atum goal 5-4 pen Golaghat SA aphan parem lo.
KASA kapathu aklam along ingdeng 67 Senior Inter District Football Championship kapathu ke Zone-A along kedo Cluster-I atumsi pathu lo lapen laso along kado kave 6 aterank atum pensi chedan lo. Assam angkang along Cluster-I kapathu Zone 4 (Pli) kapathu adim kapathik ke Diphu, Silchar, Moran lapen South Kamrup alongsi pathu lo. Khirud Baruah Memorial Trophy 2018-19 along kapathu dun longji aphansi laso akapathu bi lo. Lasi Cluster-I kapathu Zone 4 along kehai aterank atum kevangji Thangthang adunthu arui malom Dhemaji alongsi Semi Final pathu po. Pini KASA kapathu aklam along Golaghat SA aphan Karbi Anglong SA paremsi Karbi Anglong SA atum semi final chonghong kok lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives