ADVERTISEMENT

This area is available for advertisement. Please contact for details.

Arnivang
Get Adobe Flash player

Howraghat along BJP angbong kachetonte

HOWRAGHAT, Thekar Arkoi 6: Arkoi niphai 8 arni long sirkep adim town committee kilik apharman vote jok po. Kilik apharman BJP asong atum asonsi Congress lapen songve atumta kilik pachethanglo. Laso angbong Howraghat Town Committee along BJP angbong kachetonte, jasemetpet ke Howraghat Town Committee ward No. 2 pen ward No. 5 alongsi kachetonte kedo. District BJP ameiphu lapen EM Raton Teron hadak local a MAC Khonsing Rongpi pen MLA Joyram Ingleng atoi-ani atum angbong kachidin seroi lapen chehoi-chemai akachetonte do. BJP pen so- arlo candidate Mina Sonar aphan kaparemji aphan pura ongdung BJP klembang atum song abe dunde detsi inut songve a candidate Momit Khaglary abe dunsi rat thekprong vote kehang pachethang pilo. Laso ajoine Mina Sonar aphan ning kachethe abangphu-bangphi lapen kacherap dun atum ning kipung chepaklang. Song aron arkansi songve pen kithur dun Mumit Khaglary aphan state BJP ahin pen ningkan trok an song pen sorlo lapen akaprek kacherap dun atum aphanta kangsaiji aphan chisik bomlo.
Halapu BJP district ameiphu Raton Teron ta BJP song aron karkan atum aphan prapjin pen song aron ateng pen kangsaiji aphan sai dengpo pusi pachini. BJP angbong lapuson kachetonte det ajoine Congress a candidate Debananda Pator aphan penang an ale chethek long asonlo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives