ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren rongsopi along inut aphan me rihing ingsip bop

imageHAMREN Thekar Arkoi 6: Hamren rongsopi kedamtang Arkoi pho arni  adap porphai 10:20 apor malom KAAC Branch Secretariat asaihem anung kedo transformer kasemar bom ahut inut Umchera Sar-im Tisso arong amekar Joysing Tisso asopo Sarkiri Tisso aphan me rihing kangsip longpop ajok apran damjui lo.
Kachini dun atengke ASEB asaikhi Hemari Ingti transformer kaselam along Sarkiri Tisso ta kaselam cherap dunlo, setame laso ahut control room pen me kelo dunplot ajok Sarkiri Tisso aphan akengpak hini along me rihing kingship longpop ajok transformer angsong pen aber paklo duplo. Laso aphi tongsekot Hamren Civil Hospital along ponlo setame kopai kelangno ajok arong chevoi jui lo. Apran kedamjui Tisso sangho apo-apei atum kapachini atengke kedamtang 2016 aningkan pensi Sarkiri Tisso ASEB saikam asaikhi atum along me rihing kaselam heihui along cherap dunsi chongdat dun bomlo setame pini abangke kopai kelangno pen apran kedamjui ningduk piklo.
Pinpurme kedamtang arni Hamren Habe arong amekar karlitang Mohon Teron aphan ta meh rihing kangsip pen apran dam nanglo, setame pini arni anta ASEB asaikam pen thangnat kerap avelang. ASEB asaikam atum methang asai keklem kasai-oi ajoine meh rihing ajoine pen monit apran armut bom langma pusi Hamren arongsopi ongdung arat atum ning pung chepaklang.  Lasonsi non Sarkiri Tisso ta me rihing ajoine pensi apran dam nang binlo. Lasi prapjin pen ASEB asaikam pen kerap pajir vek nangji lapen ahem asor aphan ASEB chokamar pek pon nangji puta rat atum lapen ahem asor anparta hamphang asong atum hang. Karlitang Sarkiri Tisso arong kachevoi ahut apo-apei lapen achor Rubina Teronpi, asopo Acho Tisso lapen asopi Serlibon Tissopi atum aphan pamo tekang lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives