ADVERTISEMENT

This area is available for advertisement. Please contact for details.

Arnivang
Get Adobe Flash player

HAL aphuthak Parliament along Defence minister pachobai; paklang noi kalite che-oh noi: Rahul

NEW DELHI, Arkoi 5: Defence minister Nirmala Sitharaman aphan akoi kevan alam Congress ameiphu Rahul Gandhi kaningje ke, alangli Parliament along “pachobai” atheke ratpangri pen sika 1 lakh crore alamtoi HAL aphan pilo pu, laso aphuthak kehang aloh House along nang paklang thekthe lasi alangli kapachetak tap aphuthak che-oh bup noi.
Gandhi karbok thuke, HAL aphan noja ke-er ta pipe sika 1 lakh crore ke aphi alam lo, aprang pen isivet order kali, non ta aridak do.
Ratpangri aphan Congress karbok alam kapangdak thuke, France pen Rafale fighter jets alamdon kachetok along Hindustan Aeronautics Limited (HAL) a offset contract dengde det, seta ratpangri pen laso alam chekobirbe.
Bharatiya Janata Party-led National Democratic Alliance (NDA) ratpangri akoi kevan HAL aphuthak Congress atum nang cherap dunde pusi akoi van lapen defence ahin ajakong kapangtangji aphan nang kartheng dun pu seta pachobai along kroi dunde.
“Jongsi ahokhe alam alam pulote kaningje athon paro damde lapen ave rui lem det titi. PM Rafale pachobai along defence abang kapajok dunji alam chot, lasi Parliament along alangli pachobai lo,” Gandhi.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives