ADVERTISEMENT

This area is available for advertisement. Please contact for details.

Arnivang
Get Adobe Flash player

Bakalia along minister pen CEM atum BJP a candidate atum aphan vote kehangpi

BAKALIA, Thekar Arkoi 6: Town Committee kilik kapachethang asai pini arnikangsam ington lo. Vote kejokji aphan arnisi vetlo kapadak. Laso angbong pini Bakalia Town Commiittee apharman kaparjap dun BJP a candidate atum aphan Assam HAD minister Sum Ronghang, CEM Tuliram Ronghang lapen penang an BJP jabang atum vote kehangpi amai ingni. Bakalia United Karbi Club along kangni vote kehang amai along  HAD minister Sum Ronghang kejaike, rongsopi atalom kapachingthur ahin kevangji arni BJP asong klembang atumsi penang an avarsai longpo. Lasi BJP asong pen ketoi dun abangphu-bangphi atum aphan pahai nangpo pusi choningri. Long sirekp town committee alongta BJP atumsi hailapji pu minister Ronghang ningjesi Bakalia Town Committee kedo-an a ward alongta BJP atumsi hai etji pusi ningje. Halapu Bakalia Town Committee ward No. 2 pen karjap dun songve candidate Timung Dera aphan BJP asong pen sorpo pusi minister Ronghang mai along jai. Mai along kachetong dun CEM Tuliram Ronghang kejaike, non adihu town committee kilik along BJP kehai atenglo athe Langhin Town Committee alongke chedan jokplot pen BJP kehailo, lasi ladak pen langdam pulote rat atum BJP aphansi ning kachethe dolo lapen kilik kehai angthek long tanglo. Alongtin a ward alongta street light avarsai pipo puta CEM Ronghang asangho mai along chechaksi tiri lapen state pen kelong dihin aningkan atangka kado kave atalom alongta kethak pachingbarsi keklem-kedam pachingthurji pusi jai. Mai along BJP state dun meiphu Longki Phangcho, district ameiphu lapen EM Raton Tero, MAC Ramsing Timung pen danglok ongdung jabang atum chetong dun.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives