ADVERTISEMENT

This area is available for advertisement. Please contact for details.

Arnivang
Get Adobe Flash player

Assam Accord Clause 6 kapachunji aphan MHA pen mei keseng

New Delhi, Arkoi 6: Assam Accord 1985 ahut Clause 6 aphuthak kapachunji aphan kelang chari dunji alam Ministry of Home Affairs (MHA) pen high-level committee kapaseng toi.
Laso amei along retired IAS officer Subhash Das, Assam Sahitya Sabha meiphu barim Dr Nagen Saikia, chapbang barim Dhiren Bezbaruah, Assam Attorney General Ramesh Borpatragohain, educationalist Dr Mukuna Rajbangshi, Assam Sahitya Sabha meiphu barim Rongbong Terang, MHA a joint secretary lapen All Assam Students’ Union pen kachetoi dun atum. Retired IAS officer MP Bezbarauah pensi meiphu arpu pek lo.
Laso a panel amei atum chiklo jon trok angbong lamjai angthek pajir nangpo.
Laso a clause akemang along ketok ke, constitutional, legislative lapen ajutang keraikom, hamphang, lammet-lamchong lapen Assamese amonit aphurkimo kelang meme adim heihui kerai thipji aphan mang lo.
Kesengji alam laso arui aprang pensi Union Cabinet lam chedon dun lo. Bangladesh, Afghanistan lapen Pakistan pen aronre pen nang kebe (Muslim kali) atum aphan ladak arat lo pu kehokji aphan kedeng Citizenship (Amendment) Bill, 2016 alam BJP ratpangri atum kekroi aphuthak hamphang asong angtang paso alam pensi laso amei kesengji aphan deng lo.
Pinpurme, laso alamdon Assam Accord a Memorandum of Settlement India aratpangri pen Assam apharman kachesong jabang angbong si New Delhi along Paipai 15, 1985 aningkan lamdon chetok lo. Laso ahut Prime Minister barim Rajiv Gandhi kachetong dun athengno si chetok lo. Aronre pen kevang atum aphan pangthek si arplung nangji pura 1979 ahut All Assam Students’ Union atum pen ningkan trok chesong si hang lo. Jongsi Accord along ketok Clause 6 chun lo pulote , “Constitutional, legislative lapen administrative kejokvan, thirklong, jutang, lammet-lamchong, elam-eki heihui ta keraikom nang dopo.
Ajak dingklui pen ke-ot thip thekthe pen non kikhi bom Prime Minister Narendra Modi pen keklem kapangcheng thu pen Assam along kheiso atum aphan keraikom dopo lasi laso aphuthak alangli kedeng apot Assam chief minister Sarbananda Sonowal choro pajir.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives