ADVERTISEMENT

This area is available for advertisement. Please contact for details.

Arnivang
Get Adobe Flash player

TC kilik: Congress vote kehang kisik

HOWRAGHAT, Thekar Arkoi 5: Congress asong pen kaparjap dun a candidate atum aphan kapahai vekji aphan pura long sirkep town committee along vote kehang asaimi deng bomlo. Lasonsi Diphu arongsopi ward No. 1 pen ward No. 10 Congress asong jabang atum candidate atum apharman vote hangpi bom lo. Pini abangke MP Biren Sing Ingti chithurplusi Howraghat along vote hangpi dam. CEM Tuliram Ronghang, MLA Joyram Ingleng lapen ongdung BJP kangtangkring jabang atum Howraghat along BJP candidate atum aphan vote hangpi damdet aphi pini abangke MP Biren Sing Ingti, EM barim Ashok Teron, Pradesh Congress chunbang mate MLA barim Dr. Durlav Samua, bidisar Apurba Bhatacharya atum Congress pen kaparjap dun a candidate atum aphan vote hangpi damlo. Vote kehangpi amai along rat ahotur pu BJP aphan akoi pisi keklem-kedam kachari kechokche aphuthak arbok lapen BJP atumke corporate aratpangri pu amen iris BJP Hatao, Desh Bachao pusi Assam Pradesh Congress bidisar Apurba Bhatacharya ningje. Lason thak thaksi MP Birensing Ingti, EM barim Ashok Teron lapen Durlab Samua atumta BJP aphan arboksi Howraghat Town Committee kilik along kachedan dunji Congress a candidate aphan pahai et nangpo pusi rat atum aphan choningri.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives