ADVERTISEMENT

This area is available for advertisement. Please contact for details.

Arnivang
Get Adobe Flash player

Ongdung adim rongker karkli dun

imageDIPHU, Thekar, Arkoi 5: Karbi aron barim angbong hako pen nangkirim ajutang karkli-chophejo angbong pen Rongker-rong-op  karklita isi lo.  Rong-rup kapaklar, keso ki-un-eh pen kapajok lapen kebeng-kephan ave pin pen choklem-chodam, chotiki-chophejo along anta joike jokvanji aphan aphan pura ningkan isi pen ephong rong isi chingrum pet pen rongker arkli  bomlo. Lasonsi piningkan abangta Arkoi niphai pho arni Karbi Anglong lapen West Karbi Anglong kaparlo ongdung rong-rup arlo rongker arkli dun. Birta kelong dun atengke pini Rongchingri, Rongtharve, Rongmalong, Maintila Rangsina arong, Rongchepeng, Ser Angmlong, Sankur Anglong pen danglok Chiri kangnep, Lorulangso, Birla, matipung, Rongklarbong  kaparlo ongdung arong along arkli dun pusi chini dun. Halapu Manjan, Bakalia, Langhin, Phuloni, Centre, Dokmoka, Parakhowa, Howraghat, Jaipong, Langlokso, Tekelangjun, Rongmongve, Balipathar, Hnjanglangso, Dilai, Hidipi ajengta ongdung rong rup arlo arkli dunji pusi chini dun. Karkli ahut kebeng -kephan ave pin pen vomut-vokan me-et mephun pensi arkli longlo pusi birta long dun.  Lapu West Karbi Anglong kaparlo, Tumpreng, Bhelapara, Satgaon, Rongkoroi, Doloni, Hanlokrok, Donkamukam, Jengkha, Kheroni, Vothatlangso, Zirikideng, Phelangpi lapen Hamren arongsopi aajeng ta vomut-vokan me-et mephun pensi arkli long pusi chini dun. Todap adap apor kurusar atum chepangthir et pen dovan akengri palesi avantin along melur kekai lapen kove bikron batsi Bi, vo avi aphik pen kethok kijirt padosi arnam ahirjume enlo.  Arnam aphan bo-et jat et aphi ahin kedo-an a-an a-ok mate vophu,vokengbong aron ateng pen aman chebaksi-cheronsi kedo-an rong arat atum angbong ning arong aje pen chorap lo. Rongmalong abangke kurusar Bepari Ingti, Longsing Teron, Babu Tisso, Bapuram Senar lapen Babu Ingti atumsi mesen pen karkli pachun lo.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives