ADVERTISEMENT

This area is available for advertisement. Please contact for details.

Arnivang
Get Adobe Flash player

Arkoi 8 arni Assam angkangpi AASU, NESO kangkir kepha

Guwahati, Thekar Arkoi 5: Citizenship (Amendment) Bill, 2016 aphuthak lamthe kapangdak ning kangsamse ajoine kevangji Arkoi 8 arni adap porphai pho pen arnikangsam porphai pli apor an All Assam Students Union pen Assam angkangpi kangkir kepha.
Bhomta arni Silchar along Prime Minister Narendra Modi kejai ke, Bill alam ratpangri pen paprang bom lo. “Ning chethe lo prapjin pen Parliament along pa passed po. Lasonsi ningkan 35 aprang pen kachingthang pring alam ratpangri pen Assam Accord Clause 6 ta kapachunji aphan cherai lo. Lason akengkan chejor lote hamphang, jutang lapen lammet-lamchong heihui angthek Assam along keraikom dopo,”.
“Bangladeshi aphan keraithipji alam BJP atum cheklang dak lo,” pusi AASU bidisar Samujjal Bhattacharyya ningje.
Alangli kiputhu ke, “Assam Accord alam aphuthak penke netum mentune ta Bill kroi dun thekthe. Joint Parliamentary Committee atum pen partial report kipi along netum deng dun thekthe.”
Kevangji Arkoi 7 arni state adangpi Bill aphuthak AASU atum armu cheto pen kekhamkhe asai dengji.
“Lason atovar dengde pulote akaprek abidisi ave lo…saijokje pen ningkan 10 aphi Assam kangkir pha nangkok,” puta Bhattacharyya ningje.
AASU kejalin along 30 kheiso ahamphang atum laso a Bill kekhamkhe asai along cheto dunji.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives