ADVERTISEMENT

This area is available for advertisement. Please contact for details.

Arnivang
Get Adobe Flash player

2019 Delhi along Congress chari lote CEM Ronghang puthot Congress chevang thupo, seta Congress pen dengde: Durlap Samua

Congress asong pen Apurba Bhatacharya, Durlab Samua atum vote kehangpi

imageBAKALIA, Thekar Arkoi 5: Arkoi niphai 8 arni kedoji Town Committee kilik apharman kaprek-kaprek Town Committee along ason thotsi Bakalia Town Committee alongta kaprek-kaprek asong atum lapen candidate atum kilik pachethang asai pasik bom lo. Bakalia Town Committee pangrum pet long troksi ward along ratchari asong lapen songve pen kado kave bang 25 atum kilik chedan po. Laso apharman alongtin ward alongsi candidate atum vote kehang pasik bomlo. Laso angbong charibom BJP asong atum vote kehang sik nailo. Athe HAD Minister Sum Ronghang ahem arongsopi ke Bakalia henlo lasi ajat pen noi Bakalia town committee penke BJP hailap nangji pu ajok MAC Ramsing Timung jalinsi a ward tin along vote kehang asaimo deng bomlo. Adon adon vote kehang dam atumta dolo.
Laso angbong pini Congress asong ahin pen vote kehangji ahan Assam Pradesh Congress Committee (APCC) angdeng penta nangsun lo. APCC bidisar Apurba Bhatacharya lapen MLA barim Dr. Durlav Samua atum vote kehangpi aphan vanglo. Bakalia along pini Congress candidate atum apharman vote kehangpi amai kangni ahut bidisar Apurba Bhatacharya pen Dr. Durlav Samua atum kejai ke, BJP asong kapachorai pen akaprek ke ajat ta thekthe pusi arbok. Citizenship Amendment Bill aphuthak pini Assam along erset prungset ame kekar asonlo lapen ongdung kithurmi atum risim ke-otji aphan ingnam anatthu kengkam chejor nangkok lo. Assamese akhei jutang-jubat aphurkimo heihui kapavirji aphan Hindu Bengali alam kaningje BJP arat pangri aphan West Bengal Chief Minister Mamata Benarjee kopi apotsi chedo dunde detlo pusi mai along alanglitum arju. Congress dotik ke NRC pen India asor inut aphanta amen pathan longle puta alanglitum ningjesi Minister Sum Ronghang aphanta alanglitum arbok. BJP pen cherap lo pulote laso atalom malom kedo arat atumta non town Committee kilik aphi penlo pulote peh-ri chitilupsi kat nangpo pusi ningje. MLA barim Bidyasing Ingleng kachepahemphu vote kehang amai along MLA barim Dr. Durlab Samua kejai ke, BJP atumke khei-dhorom angbong kapachethakji atum lo. Kedamtang Cngress ratpangri ahut kedeng kachingthur a saideng hehui BJP atum kopi aphansi inghap etlo puta arjusi 2019 Delhi along Congress charilo pulote CEM Tuliram Ronghang puthot Congress along nangkat thupo setame CEM Ronghang ason amonit aphanke Congress along mantuneta dim aklong pek pon thekthe lo pusi mai along jai. 

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives