ADVERTISEMENT

This area is available for advertisement. Please contact for details.

Arnivang
Get Adobe Flash player

TC kilik HSDC kachepahaiji aphan kachesik

imageDiphu, Thekar Arkoi 3: Non kevangji Arkoi 8 arni Karbi Anglong pen West Karbi Anglong pangrum pet long sirkep town committee along kachedanji kilik along HSDC asong kachepahai lapji aphan pura chisik-chedang lo. Laso atengsi pini HSDC asaihem along pherangke amai phasi non kevangji town committee kilik along kachedan dunji atum amen pangdak.
Kado kave long pli Diphu, Baithalangso, Bakalia, Bokajan town committee along HSDC asong pen kilik chedan dunji.
Pini pherangke amai along HSDC chunbang Laichan Ingleng kejai ke, kedamtang ahut BJP kechechak ateng klemkle, town committee along chokamar keklem dun atum achiklo bainong kelong atotte, town & country planning pen keklem asai pachun pameme lapen Autonomous state palongvek po pu alamchak chepaplengple pu akoi pi. Dr. Mongve Rongpi Congress asong along kachepa-ok dunjui ke manghuhaklo ningduk lo. Dr. Mongve Rongpi alar Salawar Bey aphansi meiphu arpu peklo puta than.
Non amat ke madu asong penta kilik kachedan rappetji aphan kachesik avelang seta BJP pen akaprek asong atum kilik chedan rappetji aphan mate BJP asong aphan kilik kaparem vekji aphan ninghang pulote nelitum HSDC asong ta atovar keriji aphan ninghang puta Laichan Ingleng jai.
KNCA ameiphi Pratima Inghipi kejai ke, Karbi Anglong arlo kedo-an town committee anta kachingthur nangji ateng pen chingthur dun thekthe, BJP asong atum kelang kapangkre apotlo lapen rongsopi arlo kenangsot ason ave. Nilitum HSDC asong pen kachetoi dun atum kilik kehaiji aphan ningchethe lapen hirjume pajir dun lo. Alanglitum kilik haidet te kachingthur mate rat aning kehang ason kapaplengji aphan klem ponji puta jai.
Pinpurme, HSDC asong pen long 4 town committee along kado kave bang 10 kilik chedan dunji. Laso ateng Diphu town committee ward no.1 pen Choton Majumdar, Ward no.2 Sanjeev Suklovadya, Ward no.3 pen Mala Rongpharpi, Ward no.4 David Inghee, Ward no. 9 pen Robiram Rongphar.
Baithalangso Town Committee along Ward no.4 pen Mojasing Tisso. Bakalia Town Committee ward no.2 pen William Timung, Ward no.4 pen Kangbura Hanse, Ward no. 6 pen Kampur Rongpi. Bokajan Town Committee ward no. 4 pen Jaliram Teron atum kilik chedan dunji.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives