ADVERTISEMENT

This area is available for advertisement. Please contact for details.

Arnivang
Get Adobe Flash player

Rongker Karkli adim along Hamren kikim VDC chairman kachelang dam

Diphu, Thekar Arkoi 3: Deopani MAC constituency angkang Upper Deopani Dengja Teron arong along 2018-19 aningkan apharman P&RD pen kipi Rongker karkli adim along kesang ahem mate Hamren kikim kerang tanglo ma tangte lang ma pu kapatini damji aphan Deopani VDC chairman kelang chari dam.
Laso along Longson Tisso rat asai klembang lapen rong asar atum chetong dun. Dengja Teron arong asar ahin pen VDC chairman Sonjit Lekthe aphan chori pajir dun. Alangli VDC kekhi ahut mesen pen hem kipi lapen apor ateng pen Hamren tame kikim kapatangpi apot kurvangthu pajir dun.
Kevangji arni ta lason akerap kelong thuji aphan KAAC kachari kethe kiding atum aphan Dengja Teron arong arat atum choningri. Upper Deopani pen Dengja Teron arong adak mesen atovar kenangsot lang puta rong arat atum VDC chairman Sonjit Lekthe aphan than pachini dun.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives