ADVERTISEMENT

This area is available for advertisement. Please contact for details.

Arnivang
Get Adobe Flash player

Pherangke Biren Inghi asarpi arong kachevoi

KHERONI, Thekar Arkoi 3: West Karbi Anglong District Kheroni Sangbadik Shantha ameiphu mate Asomiya Pratidin pen Prag News apherangke Biren Inghi asarpi Kachai Timungpi (85) labangso apirthe pen che-oh tekang lo. Men-men arong kachevoi aphuthak Kheroni Sangbadik Shantha klembang atum ningduk chepaklang lo. Achethe dotik apor ahut Kheroni ahavar apherangke do an atum aphan kaita abong-asopo asonthotsi kanghon kajinso pachingbar ver inut abangphi lo. Karlitang Kachai Timungpi ajir dingklui pen keso kacholong lok ajok adunghet Kheroni Model Hospital along an seh chelang lo. Bonta ladak un-eh lo pusi kedamtang Matijong achiklo niphai 28 arni Diphu civil hospital along an seh chelang damlo. Setame arta keso kacholong ajok Arkoi niphai 2 aningve porphai 2:30 apor asangtet cho-en detlo.
Karlitang Kachai Timungpi arong kachevoi abirta karjulong pen Kheroni Sangbadik Shantha abitung pen damsi karlitang akarjong chome-rongme kaparapji aphan arnam along ahirjume hangpi. Kithi ahut asopo Biren Inghi inut, asopi bang kethom lapen adon arap atum aphan chepamo tekang.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives