ADVERTISEMENT

This area is available for advertisement. Please contact for details.

Arnivang
Get Adobe Flash player

Paklangso pen Sarihajan adak atovar kaselam kapatangte rek aphuthak rat kaningri

Diphu, Thekar Arkoi 3: Sarupathar MAC constituency angkang Paklangso pen Sarihajan (Hanjanglangso) langteng adak arlong i-mu ta paklo kle lang. Labangso atovar ke RJ Road si krong plot lo. PWD asaikam pen kedamtang aningkan tender kipi lapen work order tame kedamtang aningkan pensi pilo. Seta ningduk meme alam ke ningkan isi plengdet aphita pini arni anta contractor atum asai cheklem kle. Aphong aphong bangso atovar kapang tangji aphan KAAC EM Jagatsing Ingti chingvai lin lo, bonta pini arni anta contractor atum sai cheklem vangve. Isi ke manghu meme abangke tangka kave det tong asai keklemkle det lone mate asai tang pen bill longle detji pu kamatha ajok tong tovar keklemkle det ma puta honthe. Ajat apot pusetame arnivang tovar kacheleng arat atumsi kisung chechak nang lo.
Non ningkreng ahut le bangso a tovar patangte pulote barla arve kejang ahut kosonsi sai klemme jima pusi havar kedo ajahak kacheroktok arat atum pherangke athengno ningje. Non sok kerot tang etlo, non sok kache vanji aphansi rat atum kisung chechak nangkok lo, lasi kevangji arni rat atum tovar kacheleng kisung jokplitji lapen non school heihui ingpupe aprang tovar kaselam serakji aphanta havar arat atum choningri. Jongsi non kekreng klong apor ahut tovar selamle det pulote barla arve kejang ahut ke charli osomar school kedam kevang aphanta katora thedungji puta havar kedo rong arat atum ningje rinti.
La-an chot kali keso ki-un kachelang damji aphanta kedam kevang anparta non kachitiki tang asok hem kachevangji aphanta thedung akisung dokok lo puta rat atum ningri.
Laso atovar prapjin pen kapatang thekji aphan constituency a MAC EM Jagatsing Ingti tame la-an sose ardi kipiji aphanta rat atum choningri.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives