ADVERTISEMENT

This area is available for advertisement. Please contact for details.

Arnivang
Get Adobe Flash player

KCS unit kapangtangji aphan Cho jun arong aje biji: KCS Rangsina unit

Diphu, Thekar Arkoi 3: Rangsina KCS unit Paklangso No-2 atum 1st Karbi Traditional Foot Fest kapamanji aphan sangse pin sai keklem kachepaduk.
Kevangji Arkoi 11 arni Sirvomu LP school pathu aklam along kechengsi aphong Karbi Traditional Foot Fest kapamanji aphan KCS Rangsina Unit atum kachesik.
Laso along rat atum kacheto dun pen bang kethom Sika 400, inut pen Sika 150 anam chipi dunsi kecho dun ning arong kachipi dunji aphan tirikam choningri.
KCS unit atum kaprek kaprek kadure ahormu kachepangrum-iji aphan pu akemang pensi bang a chojun paman lo. Choi hongthor, peh seleng, peh sarpi ape kok, chengpi, jambili athon pen chenglok kenangji ason dopik. Lasi lahai ahormu kichiri-iji aphan pusi Karbi Traditional food festival bi lo. Bangso Karbi Traditional food Festival along mesen pen kam-jam keklem thekji aphan pusi tirikam amei ameiphu Sarsing Rongphar, Dun meiphu Mukut Rongpi, chunbang Kolomsing Rongpi, rap chunbang Honaram Singnar, Dihin rimbang Ramsing Timung lapen saihem chunbang Semson Timung atum hen lo.
Laso Karbi Traditional Food Fest along rat atum kacheto dun pen Rangsina KCS unit atum akemang mate jutang kapachanji aphan kabor-i ateng mesen pen kapachun thekji aphan choningri.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives