ADVERTISEMENT

This area is available for advertisement. Please contact for details.

Arnivang
Get Adobe Flash player

International taekwondo along kedo Samson Killing amethang angho pen kachethan alam

Den Arong, Thekar Arkoi 3: Shilong Nongmen Sang along kedo inut international Taekwondo Samson Killing pen pherangke angbong chihut chiput.
Todap porphai 10 apor ahut Meghalaya Shilong arongsopi along kedo Samson Killing aphan ahem along chihut chiput dam. Laso ahut alangli amethang akai alamo angton pherangke aphan chethan. Alangli men binong ke, Suniram Killing bonta Samson Killing pu amen kachilong ke Meghalaya Shilong rongsopi along Nongmen Sang taekwondu school along charli rappet angbong pen aphrangsi black belt kelong abangphu lo. Alangli rong binongke Dokmoka Dekasang Vophong Tokbi arong helo. Alangli achor avelang akopensi Shilong dampen hadaksi alangli khasiapi pen chepachor lo, pini anke osomar sopinso bangkethom lapen so-arlo bang kethom dolo. Bangso angbong pen asomar atum prekjam asaisi choklem lo. Asopi inut abangke taekwondu black balt longsi taekwondu school alongsi than bom.
Alangli pining anke arta ningkan 71 plengtang lo, setame alangli okpran ingtangkring pen pini anta alangli taekwondu school alongsi than bom, anparta alangli ke international along antame taekwondu bate pumse (kata) kapathu anat ke kethek nai abangphulo pusi ingvai det lo. Anparta Meghakaya a state pen ke non nangkileji 2022 aningkan Shilong arongsopi along international game alongta alangli phansi ingvai dunlo. Alangli phan jongsi Karbi Anglong arat atum pen kehangdo pulote vangsi taekwondu kethanji aphanta aning hang lepen alangli 71 kechok arta pusetame la-an aok pran anat kangtangvut ke, alangli adapvangta ok chipherangver pente kali kalang raki ahormu pen ok angbong pen singki magursi kecho, la-an chot kali mo alangli arta cherlen lote dak amethang arong Dokmoka alongsi apiso aso pen nang doji pusi pherangke pen chihut chiput ahut Samson Killing chethan.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives