ADVERTISEMENT

This area is available for advertisement. Please contact for details.

Arnivang
Get Adobe Flash player

Dokmoka-Howraghat along town committee kilik vote kehang amai

imageDen Arong-Dokmuka, Thekar Arkoi 2: Dokmoka Town Committee kaparlo Ward 6 alongta non kevangji town committee kilik ahut BJP aphan pahai et lote kachingthur kachingthur la-an sose thek longpo pusi Karbi Anglong Autonomous Council a CEM Tuliram Ronghang mai along jai.
BJP atum ke kadure lapen akhi atum kedo atum aphan kelang kapachingbar asong binong, lasi non kevangji town committee kilik ahut ward 6 alongta BJP pen kachetoi dun atum aphan kapahai et non, la-an lote nang tum kisung keboi do-anta jokpo lapen nangtum ahavar along kachingthur akachelar vangpo puta jai.
Non amat dak Dokmoka ahithi angkang akenangsotnai ke, town angkang kiliput alangroi ajam kapathe lapen langroi kapangthir kenangsot, la-an chot kali hithi arlo tovar ari bus kapasang adim lapen Auto heihui kapasang adim kaselam nangji kenangsot binong lo. Longle a pattaa kedo atum aphan Sika Lakh 8 atangka pen hem ihum kikimpi, sonsi town arlo amat osomar atum kijui lapen kapangni dam prong adim, anparta ajo anerlo kapathe-ang dang ameh award tin along kipiji. Ration card kelong dunde lang atum aphanta ration card, Award tin alongta tovar meh-lang, kapathu aklam tame prapjin pen sorkar pen nang kapapi phitji aphansi Town committee kilik jutdet lote nelitum klem phit po. SHG atum an aphanta isi a group pen suri 15000 ta piponpo pusi CEM Tuliram Ronghang jai.
Dokmoka Town committee kilik along BJP aphan kapahai etji aphan kilik kapachethang amai kangni ason thotsi Howraghat Town Committee kilik apharmanta CEM kejalin team Karbi Anglong atum mai pangni damsi town committee kilik along BJP aphan kepahai etji aphan vote kehang cherap dun.
Town Committee kilik vote kehang amai along MLA Joyram Ingleng, EM Khonsing Rongpi, EM Lunsing Teron, Raju Tisso, EM Amarsing Tisso, EM Roton Teron, EM Kache Rongpipi lapen MAC Ramsing Timung atum chenglok kaprek kaprek man kedo atum chetong dun. Mai along Babu Tisso pensi alohi kapachini apor en.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives