ADVERTISEMENT

This area is available for advertisement. Please contact for details.

Arnivang
Get Adobe Flash player

ASDC atum Town Committee kilik ahut kachechak

imageDiphu, Thekar Arkoi 2: ASDC aphan jongsi town committee kilik ahut vote jok pen pahai pulote town committee aphan kechopanglim pen kachesong adimsi pinchongji. Athe kechopanglim kanglum pik ajoinesi ningkan ningkan town committee arlo bainong chipi thekthe det lo.
Town Committee kilik along kehai dun abangphu-phi atum penta Town Committee arlo keklem asaiphu-saikhi atum aphan bainong kipiver thekji aphan kechopanglim pen pachesongji.
ASDC atum pen kaprek kaprek town committee arlo kachingthur asai keklem pen town committee kaparlo kaprek kaprek award along kedo arat aphan mesen avarsai piji puta chechak.
Hithi kapachingthur asai tangka kapavang asai ta klemji lapen India ratpangri kaparlo Urban Development asaikam pen ongdung tangka kevangji aphanta ASDC atum klemji puta town committee kilik election manifesto along chechak.
Bokajan Town Committee along tame jongsi ASDC aphan pahai pulote temon keter pen kejokvan a town kapin chongji aphan klemji. La-an chot kali town committee along kithirthip ratchari kevangji aphanta ASDC atum klemji puta chechak.
Lasi non kevangji Town Committee kilik along Karbi Anglong arlo kedo kaprek kaprek town committee angkang kedo arat atum pinsoso pen arlososo arjan along vote kipi pen ASDC aphan kapahaiji aphan choningri.
La-an chot kali ASDC aphan vote kejok ke kachelar aphan lo, ASDC aphan vote kejok ke kechopanglim pen kachedan lo, ASDC aphan vote ke kachingthur aphansi kejok lo lapen ADC aphan vote kejok ke State apharman lo pusi pini arnikangsam porphai 3 apor malom town committee kilik election manifesto kapaklang ahut ASDC pachethang chunbang Daniel Teron jai.
Pherangke amai along ASDC ajabang Nelson Teron ta chetong dunsi pherangke atum athengno ASDC atum jongsi kilik haidet lote keklem kedamji aphuthak ningje.

Leave a Reply

Your email address will not be published. Required fields are marked *

January 2019
M T W T F S S
« Dec    
 123456
78910111213
14151617181920
21222324252627
28293031  
Archives