ADVERTISEMENT

This area is available for advertisement. Please contact for details.

Arnivang
Get Adobe Flash player

UBI Senior Manager B Ch. Bormon asai jutsi kachepadi

Diphu, Thekar Matijong 31: United Bank of India (UBI) Senior Manager Bhutan Chandra Bormon pini methang asai pen kijut (Retire) lapen kachipadi amai kangni.
Bangso amai along UBI achokomar atum ningduk chepaklang dunsi alangliphan chepadi dun rinti lo. Athe alangli henlo Diphu head branch UBI along keklem kachepaduk nai lapen alangli ajoinesi pini UBI chingthur lo. Pinpurme, ehut isi laso UBI keparengji aphan akisung dolo, seta aphi alangli chepaduksi pini Diphu head branch UBI penang an paprang dunlo pusi chokomar atum ningje rinti. Pu Senior Manager Bhutan Chandra Bormon kachethan atengke alangli kedamtang 1983 aningkan vosik achiklo29 arni pensi UBI bank along sai klem pangcheng. Laso aphi klem bom klem bomsi ha Jorhat, Golaghat, Nagaon, Tripura lapen kaprek kaprek adim along nangklem det aphi pini Karbi Anglong Diphu head branch along vang lo. Diphu head branch along ningkan hini ra achitim pleng det aphisi pini neli methang asai pen kejut lo pusi chethan.
Lasi, UBI kapachingthurji aphan customer atum aphan ason-son loan avarsai pi pensi bank kapachingthurji aphan aprang kepon ji kabor i do nangpo lapen anuttin achokomar atum setame keklem pame thekji aphan hirjume hangpi lo, anparta methang asai kachichini atengsi akam klem nangpo puta alangli bank achokomar atum aphan bidi sore pi tekang.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives