ADVERTISEMENT

This area is available for advertisement. Please contact for details.

Arnivang
Get Adobe Flash player

Journalism ahin det adang keklem keme apot Bharat Vikash Sangam award Longsing Teron kedeng

imageDiphu, Thekar Matijong 31: Journalist Association For Assam (JAFA) ameiphu Thekar Chapbang Longsing Teron aphan pini Bharat Vikash Sangam anong-eh kapajir.
Karnataka Karggod pu adim along Bharat Vikash Sangam amai kangni ahutsi Thekar chapbang Longsing Teron aphan laso award pajir lo.
Laso award along Citation, momento lapen tangka sika 25,000 pini Longsing Teron pajir lo.
Pinpurme Bharat Vikash Sangam ke kedamtang 1320 aningkan penta dolo lapen Bharat Vikash Sangam Socio Economic Development asong ke India adet adang kachetang plup asong binong.
Pinpur thume, Thekar Chapbang Longsing Teron alangli birta kapachetak ahut keklem kachepaduk asonsi hamphang along akemesenji aphanta alangli kachepadukpik abangphu binong lo. laso angtheksi alangli non amatta Dibrugarh University along Court pen Executive Council member dobom lo, La-an chot kali Assam University Diphu Campus alongta alangli Social Advisory Board a member secretary, anparta pherangke asong JAFA along meiphu kedo bom asonsi Karbi Anglong District arlo District Press Club of Karbi Anglong alongta alangli bidisar lo.
Longsing Teron alangli Association of Small & Medium News Paper of India alongta sikdang chunbang arpu dengsi keklem bom lang.
Alangli birta kapachetak ahin keklem kachepaduk asonsi hamphang aphanta klemsi kedamtang arni SPKL atum chelangsi chiklo jontrok Karbi Language Certificate Course Dibrugarh University along padengsi Karbi Anglong arongsopi Diphu along ingpu lo. Laso along non amat bang 100 sose atum chiklo jontrok Karbi Language Certificate Course charli dun bom lo.
Lason thakthaksi alangli ajirding klui pen methang akhei aphan lapen hamphang apharman kaprek kaprek asai klemsi thedung thedung kacherap pi bom lo. Lahai keklem kedam kemesen kethek long ajoinesi Bharat Vikash Sangam atum pen JAFA ameiphu Thekar Chapbang Longsing Teron aphan laso award pajir lo.

Leave a Reply

Your email address will not be published. Required fields are marked *

January 2019
M T W T F S S
« Dec   Feb »
 123456
78910111213
14151617181920
21222324252627
28293031  
Archives