ADVERTISEMENT

This area is available for advertisement. Please contact for details.

Arnivang
Get Adobe Flash player

Khei kisung pen kapaheloji aphan ning isivet donangpo: Atul Bora

GUWAHATI, Thekar Matijiong 30: Kevangji 2019 ningkan kimi apharman Assam arat aphan hirjume pajirsi AGP asong Ambari along kedo tiri asaihem along pini pherangke atum pen AGP ameiphu Atul Bora chihut-chiput. Laso chihut-chiput ahut meiphu Atul Bora kaningje ke, kachepadiji laso ningkan ban esek Assam along pathor barim arat atum aphan kisung-keboi nangkele ason do-an kapajokji aphan ning isivet pen arjap thip nangpo. Non khei kisung apor ahut ning isivet kedo abangke kenangsot lo. Kithurmi a-ove atum aphan kamatha mate kamunthi ason khei akisung kapamunthi dunji along akimi atovar keja apor lo. Elam-eki, dhorom lapen khei angbong nangkebat kachethak ason khangsi isi keraikom lapen kangtangkring Assam kapapamnji aphan cherai nangpo. Meiphu Bora asangho kejai thuke, khei-dhorom ning isivet do pulote kaiketa monsam thirpo. Regional asong henlo khei akisung kapajokji aphan jakong kethenai lo. detpi arlo kaprek-kaprek adim alongke laso angthek klang bom lo. nelitum AGP asong atum penang an kekhamkhe angbong dosi ratchari ahin kachere pensi kengkam chejor nanglo. Lapu khei akisung kapajokji aphan lapen halapu regional asong kapaprangji aphan arpu deng nanglo. Khei arpu pen chepahelo pen nelitum ratchari klem un-eh. Lasi khei aspharman arpu che-ensi regional asong kapaprangji aphan kengkam chejor lo. Rong-rup arlo pen angsong an pachelarsi bangphu bangphi, sai chotiki, kachongdat lapen ove kimi atum aphan pangrom ponsi AGP asong kapaprang thekji aphan kengkam chejor lo. Non nungkan kimi penkesong ahin pen saimo heihui dengpo anparta ove kimi lapen so-arlo atum aphan jasemet pet ardi pisi ningkan kimi penke rat pachethang pen regional aratchari akimi sai klem ponpo pusi Atul Bora ningje.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives