ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 45 Karbi Youth Festival aphan asanchom amei keseng

Diphu, Thekar Matijong 30: Kedamtang arni ingdeng 45 Karbi Youth Festival kapachunji aphan pusi tirikam amei seng lo, laso ateng Horensing Bey aphan tirikam amei ameiphu, KCS klembang Daniel Bey aphan working president, Nelson Teron, Khorsing Teron, Merina Beypi, Ashok Teron atum aphan dun meiphu pek lo.
MAC Dorsing Ronghang aphan chunbang lapen Longsing Tokbi, Ramsing Tokbi, Laichan Ingleng, Biman Kro atum aphan rap chunbang pek.
Tirikam amei along kacherap kacheto dun aphan sanchom amei ta do vek nangji pusi pini Taralangso Karbi People hall along sanchom keseng amai pangni lo. Laso ateng mai along penang an chingki chethan det aphi kado kave chedon sar pen kaprek kaprek sanchom amei seng lo.
Laso ahut saihem chunbang arpu Francis Timung, Govind Terang, Mirjeng Kro lapen Longsing Rongpi atum aphan pek lo.
KAAC CEM Tuliram Ronghang, KCS ameiphu Chandra Sing Kro, KCS sankur chunbang Bidya Sing Rongpi, KAAC EM Horen Sing Bey, MAC Dorsing Ronghang, KCS pen Sunil Tokbi, EM Mongal Sing Timung, EM Amarsing Tisso atum aphan ingvaisi dihin asanchom amei parjap lo.
KAAC Deputy chairman Ritesh Inghi aphan chairman, KCS pen Daniel Bey aphan convener peksi kikim keran asanchom seng lo.
Chitra Kr. Bey aphan chairman lapen Sing Kro aphan Convener peksi Lokimo sanchom amei seng lo.
Rajat Teron aphan chairman lapen Jugen Rongpi convener peksi sengme rapbang asanchom parjap lo.
Fooding Sub-Committee along Pabitra Rongpi aphan chairman lapen Samuel Ronghang aphan convener pek.
EM Raju Tisso aphan chairman lapen Bidya Sing Rongpi aphan convener peksi rihing ameh asanchom parjap lo.
Ingdeng 45 KYF ahithi alon kipiji aphan pusi EM Tarendra Brahma aphan chairman lapen Monsing Ingti aphan convener pek lo. Saikam pen kelan asanchom arpu Prabhat Chandra Taro, Kajek Tokbipi aphan convener pek lo.
Jutang jubat asanchom along EM Kache Rongpipi aphan chairman lapen Sema Ronghangpi aphan convener pek. Ethnic Village asanchom along Ashok Teron aphan chairman lapen Roshon Teron aphan convener pek, Transportation asanchom amei along MAC Richard Tokbi aphan chairman, Mirbising Taro aphan convener pek.
Alir alon kipi asanchom amei along EM barim Surjyo Rongphar aphan chairman, Jackies Teron aphan convener, lang kasalon asanchom amei along PHE EM Prodip Rongpi aphan chairman lapen Bibison Ingti aphan convener pek lo. Medical asanchom amei along EM Khonsing Rongpi aphan chairman lapen convener arpu Rajiv Tokbi aphan pek lo.
Accomodation asanchom amei along MAC D. U. Maslai aphan chairman lapen Dorsing Terang aphan convener pek lo.
Pachethang asanchom amei along Lunsing Teron aphan chairman lapen KAAC secy. Richard Rongpi aphan convener pek lo.
MAC Ramsing Timung aphan chairman lapen Reuben Ronghang aphan convener peksi kapangthir kelangji asanchom parjap lo.
Asanchom amei do-anta non amat Chairman lapen Convener ansi pek chot lang, lasi sanchom tin alongta klembang kacheponji aphan ke pini amai pen Chairman lapen convener atum aphansi arpu pek det lo.
Pini kangni amai along penang an non kevangji ingdeng 45 Karbi Youth festival alir alon kipiji aphuthak pen chenglok angtan adet anta Karbi Youth festival aphuthak kapachini thekji aphan chingki chethansi mai ingsamjin pachekak lo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives