ADVERTISEMENT

This area is available for advertisement. Please contact for details.

Arnivang
Get Adobe Flash player

HSDC ameiphu Dr. Mongve Rongpi Congress chingbe dun et lo

imageDiphu, Thekar Matijong 30: Non 2019 MP kilik katebok bom apor ahut ratchari asong along arong kachelar bom asonsi Hill State Demand Council (HSDC) ameiphu Dr. Mongve Rongpi Congress kachingbe dunjui ajoine Congress lapen HSDC aratchari asong along akimi arong cheklang lo.
Pinpurme, atumi Matijong 29 arni Guwahati Raj Bhavan alongsi Karbi Anglong HSDC ameiphu Dr. Mongve Rongpi lapen Lakhimpur a MLA barim atum aphan Congress along deng lo.
Isi kachelar nangji lapen democracy adet along anuttin aning kehang ateng aratchari along kedo dunji aron do, laso atengsi neli ning kehang atengsi Congress along kachingbe dun lo.
Non amat neli inutvetsi kidun lang seta pejo pejo pen kaprek kaprek atumta Congress along kachingbe do tahai pusi pherangke pen kachingki ahut Dr. Mongve Rongpi ningje.
Dr. Mongve Rongpi Congress along chingbe dun jui aphi HSDC ke morok asonsi man lo, laso ajoine HSDC a chunbang mate KSA bidisar Laichan Ingleng tumta MP kilik aprang Congress along kachingbe dunji asonsi angring do.
Alangli tum jongsi Congress aphan thedung kali puseta sapso ale dopo, seta Karbi Anglong arlo pen HSDC lapen CPI(ML) asong ke avedetji asonsi angring dolo.
Songja atum kejalin ateng HSDC arat  atum Congress along tong chingbe dunjine mate BJP along tong kachingbe dunji lone thangnat abirta ave lang. Seta jabang atum jongsi kaprek kaprek aratchari asong along chingbe dun et pulote kevangji arni HSDC pen kachelangrappet asong atum ke manghu mangram kedoji asonsi thek long.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives