ADVERTISEMENT

This area is available for advertisement. Please contact for details.

Arnivang
Get Adobe Flash player

Bakalia along Polling-Presiding asaiphu aphan seke kipi

imageBAKALIA, Thekar Matijong 30: Kevangji 2019 aningkan Arkoi achiklo niphai 8 arni long sirkep Town Committee along kilik vote jokpo. Laso apharman pini Bakalia pen Langhin Town Committee Polling lapen Presiding asaiphu atum aphan seke kipi asaimo deng. Adap porphai kre isi pen kedeng laso seke kipi along Langhin Town Committee pen bang 40 lapen Bakalia Town Coommiittee pen bang 56 Polling pen Presiding asaiphu atum chetong dun. Ashim Kalita, Atul Kalita, Khoyasing Hanse lapen Mithun Roy atumsi saiphu atum aphan seke pilo.
Pinpurme, Arkoi niphai 8 arni kilik vote kejok arni apharman kachedan dunji candidate atum arjan longsi methang-methang a ward along vote kehang asaimo deng bomlo. Lasonsi Diphu Town Committee pen danglok Bakalia, Howraghat, Langhin, Dokmoka, Bokajan, Hamren, Donkamukam lapen Baithalangso alongta BJP, Congress, ASDC, HSDC, CPI(ML) pen danglok songve candidate atum vote kehang pasik bomlo. Non adihu Town Committee kilik along ove kimi amahangta thek longlo. Jasemet petke ASDC pen HSDC along ongnailo. Candidate atum apharman song jabang atumta thur dun paksi methang-methang a candidate atum aphan kapahaivekji aphan pura ajo anarlota vote kehangpi dode sangse anpin lo. Kerem kehai abangke dovekpo setame laso kerem kehai kapatiniji ke nangkeleji Arkoi 10 arnisi angthek longpo. Laso arnisi ning karong ning kiduk anta chepaklang etpo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives