ADVERTISEMENT

This area is available for advertisement. Please contact for details.

Arnivang
Get Adobe Flash player

Guwahati book Fair along Janasanyog atum kelan dun ason rat atum aphan ning parung-it

GUWAHATI, Thekar Matijong 29: Kedamtang Matijong 22 arni pen kibi Guwahati arongsopi Chandmari Assam Engineering Institute pathu aklam along  Assam Published Council pen kibi ingdeng 32 Guwahati book fair along Information & Public Relation pen kapaklang dun exhibition  centre pensi kitap ketok kelang mate rat atum aphan aning parung it lo. IPR pen alir alon pen kaselam labangso exhibition centre along ratpangri ahin pen kedeng ason-ason a kachingthur asaideng heihui aphuthak kelan lapen kedamtang arni Chief Minister Sarbananda Sonowal mai thai along lam kejai anparta kachingthur saideng kedeng heihui aphuthak TV screen pen paklanglo. Kedamtang Matijong niphai 22 arnisi laso book fair Chief Minister Sarbananda Sonowal ingpu. laso ahut education minister Sidharth Bhtacharya, Chief Minister Media Cell Hrishikes Goswami lapen ongdung aman kedo atum chetong dun. Halabangso arnisi exhibition centre tame ingpu lo. IPR pen kelan dun exhibition centre along pherangke atum aphan kedeng ason-ason asaideng heihui aphuthak ta lan dun lo. La anchot ta kali kaprek-kaprek asaikam atum kedeng a saideng a kitap, magazine lapen non charibom aratpangri ningkan hini kechari kepleng Janasanyog asaikam pen kapaklang (published) Paribartan Asomiya, English lapen Hindi amendment lapen Raijor batori akejoi pen rat aphan ron lo.
Jong dame book fair kecheng arni pen amatsi schoo-college charli atum pen danglok tokbang, kethek –kere, pherangke lapen kaprek-kaprek asaiphu anparta sankur arat atum exhibition centre along humri damsi Information & Public Relation atum lapuson kelangmesen kelan dunthek aphuthak kachoro pajir.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives