ADVERTISEMENT

This area is available for advertisement. Please contact for details.

Arnivang
Get Adobe Flash player

Congress pen BJP atum keklem thekthe asai do-an ASDC jongsi hai lote klemji pusi kachechak

imageDen Arong-Dokmoka, Thekar Matijong 29: Congress atum kasa-ur anparta BJP atum sa-urmulang pusi Dongmukak Town kilik along ASDC asong pen kachetoi dun bang pho atum jong.
Pining Karbi Anglong Autonomous Council kaparlo town committee kilik along Dongmukak town alongta non aphong ASDC asong pen kado kave ward 5 kilik kachedan dunji aphan chisik chedang lo. Laso ateng ASDC atum ward no 1 along Bidyasing Bey, Ward no. 3 along Rajesh Terang, Ward No. 4 along Sundarsing Timung lapen Ward no. 5 along David Hanse lapen ward no. 6 along Proben Bey atumsi ASDC asong ahin pen chedan dunpo.
Alanglitum pini Dongmukak methang asaihem along chingki chingcai amai ingni, laso ahut jongsi DTC kilik haidet pen pulote Dongmukak ahithi along keklem kedamji anparta kaprek kaprek kachingthur asai kedengji aphuthak mai along chethan.
La-an chot kali Dongmukak ahithi angkang kapangthir nangji alam heihui ta chethan, athe kedamtang Congress ningkan 15 kachari ahut ko-an ma keter la-an sosesi non BJP kachari aahut keterlang.
Kedamtang ningkan 15 Congress atum chari lo seta thangta Dongmukak ahithi along kapachingthurji lapen ladak kopisi kenangji thangnatta kamatha pon ave. Anparta pini BJP atum nang chirai thulo seta lahai asai kapangjangji ke aphi alamlo, tovarpi ari amatsi kengsang atum aphan broiler avo kapajor pen ahi aphe rat atum aphan kapangnim nang lake BJP atum akam lo. Lasi nelitum ASDC pen non adihu town committee kilik karjap dun do-an atum hai et pulote pulote Dongmukak rongsopi apharman aprangsi Bus stand, tempo stand kaselam pen chenglok, hithi arlo penang an adim kijun alang avarsai kipiji, hithi arlo kili put alang adong kapangthir, la-an chot kali Dongmukak ahithi angkang library ihum,  hithi arlo longkep adim anam kipi kedo kachiti ahem kimji pu heihui pangdak.
La-an chot kali ASDC pen kachetoi dun abangphu atum jongsi kilik hai pen Dongmukak arlo osomar kijui adim kaselamji anparta hithi arlo ghonta 24 rihing ameh kapakarverji aphan ASDC pen kachetoi dun bangpho kilik kachedan dun atum chechak. La-an chot kali loh han kachojor kacholang adim mesen kaselam pen chenglok hithi angkang kapangthirjirji aphan ta alangli tum chechak.
Congress atum kedamtang ningkan 15 keklem un-eh asai ningkan pho angbong keklem kapatangji aphanta bor-iji puta ASDC pen kachetoi dun bangpho atum pini ASDC asaihem along mai kangni ahut chechak.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives