ADVERTISEMENT

This area is available for advertisement. Please contact for details.

Arnivang
Get Adobe Flash player

Along-eh ke somtan seta ahem theklongle det

imageDiphu, Thekar Matijong 29: KAAC keparlo Singhason constituency angkang Borjan Hemari Timung arong along Community hall ahem kekim kerangji aphan pura kedamtang 2016 aningkan long-e som lo, seta pini arni anta adim along community hall ahem avedet ke manghu meme pusi KATSSA atum pherangke aphan birta nangpi.
Pinpurme, kilik apor nangle lote ratchari asong atum rong atok ano malom ason ason asheme amen pen long-e kesom panglum tet titi, anparta rat athengno lamchak pi titi, seta pu ke-ong dung adim abangke akam theklongle si along-e si theklong chot. Lasonsi Singhason constituency angkang Borjan Hemari Timung arong along community hall kekim kerangji aphan pura kedamtang 2016 aningkan The-re achiklo 2 arni MLA barim Bidyasing Ingleng lapen EM barim Prodip Singnar atum arideng pensi bangso along-e som lo. Seta, kopi akisung lapen kipi ajoinesi bangso ahem kekim asim asam kethek longle det ma lake manghu meme, athe halaso ahut rat angno community hall kim rang po pusi along-e setame som pon lo, lasi, lake kelu kelom arat pu chini lor si kachongthui pame lo puta KATSSA asong jong. Lasi, long-e kesom chot pen ke Karbi Anglong angkang kachingthur angthek kali, anparta non malom long-e kesom kedo an setame along-e kesom ateng akam ta keklem paklang nangji kali pulote rat avi kachongsip asonsi mandetji puta alanglitum pherangke athengno ningje.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives