ADVERTISEMENT

This area is available for advertisement. Please contact for details.

Arnivang
Get Adobe Flash player

Town Committee kilik long sirkep pen kithur dunji candidate atum nomination aloh kejok

imageDIPHU, Thekar Matijong 28: Kevangji 2019 aningkan Arkoi achiklo niphai 8 arni long sirkep town committee anghoi aphan kilik vote jokpo. Laso apharman Matijong niphai 27 arni BJP, Congress pen danglok kaprek-kaprek ratchari asong pen kachotoi dun abangphu-bangphi atum aphan amen pangdak det aphi pini nomination aloh jok lo. Pini nomination aloh kejok kijutsi arni Diphu Town Committee pen danglok long sirkep town committee along karjap dunji abangphu-bangphi atum nomination aloh joklo. Diphu Revenue Circle Office along adap porphai kep pen nomination aloh kejok apor hotsi pini BJP, Congress, ASDC, HSDC lapen songve atum nomination aloh joklo. BJP pen Congress atum ke methang asaihem pen armu chejeng barsi proposer pen seconder atum jokjak candidate atum Circle asaihem along palesi nomination aloh joklo.
Halapu Bakalia, Langhin, Howraghat, Dongkamukam, Bokajan, Hamren, Baithalangso lapen Donkamukam alongta pini kijutsi arni ingsamjin pen nomination aloh joklo pusi birta longdun.
Penap Matijong 29 arni ke candidate atum kejok nomination aloh hehui kelang kangchap asai scrutiny padopo anparta Matijong 31 arni abangke nomination aloh kache-enthu lapen kachedan dunji candidate atum aphan arjan (symbol) pipo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives