ADVERTISEMENT

This area is available for advertisement. Please contact for details.

Arnivang
Get Adobe Flash player

Lakhijan Baptist Church along mesen pen Christmas katalon kapachun

Diphu, Thekar Matijong 26: Atumi Matijong 25 arni kapejok abang Jisu Kristo pirthe nang kahache arni pu pamansi pirthe adang along katalon along pacheton dunsi Lakhijan Baptist Church alongta Christmas mesen pen talon dun.
Adap porphai 11 apor Pastor Aaron Teron pen kachepahemphu amai along Bible apot lang ponsi mai kangpu alun ijir pensi cheng lo. Adunthu alohi pachini Chunbang Borsing Ingti pensi apor en lo. Mai along arnam alam kapathanji aphan Dimapur CITM a principal Yanger Imchan Ao aphansi pha lo. Alangli phan Karbi achoi, poho pensi deng lo.
Christmas abaha aphan Associate pastor Jamie Hanse pen arnam ardom lo, adunthu Alex lapen ari asangho, Birendra Ingti lapen Sunday School along kacharli bom aosomar atum pen kelun kekan paklangsi katalon along alir alon pidun.
Bible kaporhi aban aron Herol Hanse lapen akimi aron Pepina Derapi atum pensi porhisi thanbang Yanger Imchan Ao along cherap dun lo. John 3:16 Arnam asopo po ipum petta pirthe monit aphan kanghon ajok chepi det lo pu aphuthak pajirmisi Jisu Kristo pirthe along kahache lapen nang kahache nang kok alam aphuthak klardak than pajirmi lo.
Jisu Kristo pirthe kevang pensi masap vetta ning kangsam vanglo kali pute ron mai, pap, chelang silet heihui pensi plengsetji apotlo lapen lake kado kave arat aphan Karbi, Naga, Mizo heihui aphan chot kali kado kave aphan pu alam klardak than pajirmi.
Mai kapachekak ahut alun ijir lunsi pastor Aaron Teron pen Arnam ardomsi Christmas katalon mesen pachun lo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives